यावेळी जरांगे-पाटील ‘श्रद्धेय फडणवीस’ म्हणत असतील आणि इतरांना एकेरी भाषेत बोलत असतील, तर त्यांनी कुणाकुणाचा पान उतारा केला याची यादी आमच्याकडे आहे. त्यांनी आता नैतिकतेचे धडे शिकवू नये. वारंवार भूमिका बदलणारे अनेक नेते राज्यात तयार झाले आहेत. रंग बदलू मंडळींची महाराष्ट्रात भर पडत असल्याचा टोलाही वडेट्टीवार यांनी यावेळी लगावला.
समृद्धी महामार्गावर खासगी बसचा अपघात; दोन आरटीओ अधिकाऱ्यांसह चालकाविरुद्ध गुन्हा दाखल
‘समृद्धीवरील अपघात सरकारच्या घाईमुळे’

समृद्धी महामार्गाचे काम अर्धवट स्थितीत आहे. सर्व सुविधा सुरू झाल्यानंतर हा रस्ता सुरू करण्याची गरज होती. या मार्गावर ना आराम करण्याची व्यवस्था आहे; ना इतर कुठल्या सुविधा आहेत. समृद्धीच्या कामात भ्रष्टाचार झाला आहे कुणीही नाकारू शकत नाही. घाई गडबडीत काम करण्यात आले. त्यामुळे आज निष्पाप लोकांचा बळी जात आहे. हे अपघात सरकारच्या घाईमुळे होत आहे. महामार्गाचे काम सदोष नाही; तर यात तांत्रिक अडचणी आहेत. समृद्धी महामार्गावरील वाहतूक थांबवावी. समृद्धी सुरू ठेवायचा की नाही यावर विचार झाला पाहिजे, असेही विरोधी पक्षनेते विजय वडेट्टीवार म्हणाले.