आजारी पोराच्या वेदना पाहावेना, लेकरासाठी आई धावली, माऊलीच्या किडनीमुळे लेकाला नवे जीवन

दुसऱ्या प्रकरणात रुपेश केदारे (वय ३७, रा. समतानगर, आगरटाकळी) या रुग्णासाठीही बिटको रुग्णालयातील डॉक्टरांची टीम देवासमान ठरली. या रुग्णाचे अपेंडिस पोटातच फुटलेले असताना तो बिटकोत दाखल झाला. आतडे चिकटलेले असल्याने अपेंडिस काढणे जवळजवळ अशक्य असतानाही डॉक्टरांनी प्रयत्नांची शिकस्त केली आणि रुपेशलाही जीवदान लाभले. तिसऱ्या प्रकरणात गौरी शार्दुल (वय २१) या गरोदर महिलेसाठी बिटकोतील डॉक्टर ऐनवेळी देवासारखे धावून आले. या महिलेचे पहिले सीझेरियन झालेले होते. प्रसूतीसाठी ती शिंदे प्राथमिक आरोग्य केंद्रात दाखल होती. मात्र तिचा रक्तदाब १७० हून जास्त झाला. बाळाने पोटातच शौच केली. अशा परिस्थितीत तिची प्रसूती करणे बाळ आणि माता या दोघांसाठी मोठी जोखीम होती. शेवटी शिंदे प्राथमिक आरोग्य केंद्रातून व्हेंटिलेटर लावून तिला बिटकोत दाखल केले. थोड्याही विलंबाने अनर्थ होऊ शकला असता. त्यामुळे बिटकोतील डॉक्टरांनी या प्रकरणातही जोखीम उचलत तिचे सीझेरियन करून प्रसूती केली.

कोट:

जीवनमरणाचा प्रश्न निर्माण झालेला असताना माझे प्राण वाचविणारे बिटकोतील डॉक्टर देवासारखे धावून आले. ते मला देवासारखेच आहेत.

-सोनाली निपळुंगे, रुग्ण

विद्यार्थ्यांचे रक्तदान आले कामी:

बिटको रुग्णालयाच्या रक्तपेढीत रक्तसाठा कमी होता. त्यामुळे बिटको कॉलेज येथे वैद्यकीय अधीक्षक डॉ. शिल्पा काळे यांनी रक्तदान शिबिर आयोजित करून विद्यार्थ्यांना रक्तदानाचे आवाहन केले. विद्यार्थ्यांनीही प्रतिसाद देत रक्दान केले. त्याच्या दुसऱ्याच दिवशी या तीन क्रिटिकल केसेस बिटकोत दाखल झाल्या. त्यांची रक्ताची गरज विद्यार्थ्यांनी दिलेल्या रक्तातून पूर्ण होऊ शकली. डॉ. काळे यांनी जपलेले हे सामाजिक भान आणि रुग्णांवर केलेले उपचार कौतुकास पात्र ठरले.

Latest Nashik News And Marathi News