असिफ मुल्लावर पिटबुल कुत्रा जीवघेणा हल्ला चढवत होता. त्यावेळी त्याचा मावस भाऊ अस्लम शेख हा जवळून जात होता. गर्दीतुन एका इसमाने अस्लमला माहिती दिली. तुझ्या भावाला कुत्रा फाडून खात आहे. त्यावेळी मी धावत गेलो. तोपर्यंत कुत्रा माझ्या भावाच्या शरीराची चाळणी करून गेला होता. मी मदतीसाठी आरडाओरडा करत आत प्रवेश केला. परंतु कोणीही मदतीला आले नाही. गर्दीतून फक्त मोबाईलमध्ये व्हिडीओ कैद केले जात होते. पिटबुल कुत्र्याने अर्धा तास असिफचे लचके तोडले. एकाही व्यक्तीने धाडस करत असिफला कुत्र्याच्या तावडीतून सोडवले नाही, अशी अस्लम शेख याने माहिती दिली.

यानंतर त्याने संदेश दिला आहे की, आज माझ्या भावावर संकट ओढवले होते. उद्या तुमच्यावर संकट येईल. अगोदर मदत करा. दगडाचे काळीज ठेवू नका, अशी भावनिक हाक त्याने दिली आहे. असिफ मुल्ला याचे लचके तोडताना व्हिडीओ सोशल मीडियावर वायरल झाला आहे. या व्हिडीओमध्ये असिफ हा ईश्वर गारमेंट करखान्याच्या गेट मध्ये आत गेला होता. गेटला कुलूप होते. शुक्रवारपासून प्रत्येक व्यक्तीला एकच प्रश्न पडला आहे, असिफ आतमध्ये गेला कशाला?
कासव तस्करीचं आंतरराज्य रॅकेट, रेल्वेचा वापर, पैसे वगैरे सर्व ठरलेलं, नागपूरमध्ये असा झाला भांडाफोड
ईश्वर गारमेंटचे व्यवस्थापक चंद्रशेखर क्षीरसागर यांनी देखील प्रतिक्रिया देताना हाच प्रश्न उपस्थित केला. जखमी असिफने माध्यमांना माहिती देताना सांगितले की, दोन दिवसांपासून घरातून नैराश्य होऊन बाहेर पडलो होतो. रात्रीच्या सुमारास ईश्वर गारमेंट जवळ असताना पोलिसांनी हटकले होते. पोलिसांना घाबरून मी गेटमध्ये गेलो होतो. शुक्रवारी सकाळच्या सुमारास कुत्र्यांनी माझ्यावर हल्ला केला. जवळपास अर्धा तास माझे लचके तोडले. माझ्या अंगावरील सर्व कपडे फाडले. मी प्रतिकार करण्याचा प्रयत्न केला, परंतु माझी ताकद पिटबुल कुत्र्यासमोर कमी पडली.

Read Latest Maharashtra News And Marathi News