अहमदनगर : अहमदनगर येथील शिर्डीत स्पा-सेंटरच्या नावाखाली सुरु असलेल्या हाय प्रोफाईल सेक्स रॅकेटचा पोलीस उपअधीक्षक संदीप मिटके यांच्या पथकाने पर्दाफाश करत छापा टाकला. यात दोन परप्रांतीय तरुणींची सुटका केली. तर तेथील कर्मचाऱ्याला ताब्यात घेतले आहे. मात्र, स्पा-सेंटर चालक फरार झाला आहे. दोघांविरुद्ध शिर्डी पोलीस ठाण्यात गुन्हा दाखल करण्यात आला आहे. दरम्यान, शिर्डीत सुरू असलेल्या या हाय प्रोफाईल सेक्स रॅकेटवर कारवाई झाल्याने शहरातील अवैध धंदे करणाऱ्यांचे चांगलेच धाबे दणाणले आहे.

मिळालेल्या माहितीनुसार, काल शुक्रवारी १३ ऑक्टोबर रोजी शिर्डीचे पोलीस उपाधीक्षक संदीप मिटके यांना शिर्डी येथील नगर – मनमाड रोडच्या बाजूस एका बंगल्यामध्ये रिलॅक्स स्पा-सेंटरच्या नावाखाली हाय प्रोफाइल सेक्स रॅकेट चालवून वेश्याव्यवसाय सुरु आहे, याबाबत खात्रिशीर माहिती मिळाली. त्याप्रमाणे सदर ठिकाणी बनावट ग्राहक पाठवून पंचासमक्ष छापा टाकून दोन पिडीत परप्रांतीय मुलींची सुटका करण्यात आली आहे. अमोल भीमा भोसले (रा. श्रीरामनगर शिर्डी ता. राहाता) या आरोपीला ताब्यात घेण्यात आले असून स्पा-सेंटर चालक गणेश कानडे हा फरार झालेला आहे. आरोपीविरुद्ध शिर्डी पोलीस स्टेशन येथे अनैतिक व्यापारास प्रतिबंध कायद्यानुसार गुन्हा दाखल करण्यात आलाय. या कारवाईमुळे शिर्डी परिसरातील अवैध धंदे करणार्‍यांचे धाबे दणाणले आहे.

निधीवाटपात भेदभाव दिसत नाही, सरकारची मनमानीही नाही; ठाकरे गटाला हायकोर्टाचा धक्का
सदरची कारवाई पोलीस अधीक्षक राकेश ओला, अपर पोलीस अधीक्षक स्वाती भोर यांच्या मार्गदर्शनाखाली डीवायएसपी संदीप मिटके, शिर्डी पोलीस निरीक्षक सोपान शिरसाठ, पोलीस उपनिरीक्षक योगिता कोकाटे, हेड कॉन्स्टेबल इरफान शेख, पोलीस नाईक अशोक शिंदे, बाबा खेडकर, वंदना वाकचौरे, श्याम जाधव, पोलीस कॉन्स्टेबल दिनेश कांबळे, चालक ज्ञानेश्वर गांगुर्डे यांनी केली आहे.

भारत-पाक सामन्यात टॉस जिंकल्यास संघ प्रथम गोलंदाजी की फलंदाजी निवडणार? जाणून घ्या कसं आहे पिच