कुत्र्याच्या भयंकर हल्ल्याने सोलापूरकर हळहळले:

सोलापूर शहरातील एमआयडीसी परिसरात ही धक्कादायक घटना शुक्रवारी दुपारी घडली आहे. पूर्व भागात असलेल्या लक्ष्मीनारायण चित्रपटगृह जवळील एका उद्योजकाच्या घरी पिटबुल जातीचे दोन कुत्रे आहेत. घराच्या आतील भागात असिफ मुल्ला या तरुणावर कुत्र्याने हल्ला केला. तरुणाचा मुंडकं कुत्र्याने जबड्यात धरून त्याला फरफटत घेऊन जातानाच व्हिडीओ समोर आला आहे.

पाळीव कुत्र्यांनी हल्ला केल्याने भीतीदायक वातावरण:

घरात पाळलेला कुत्रा असा जीवघेणा करू शकतो हे सोलापूरकर पहिल्यांदाच पाहिले आहे. दोन कुत्रे एका तरुणाला जबड्यात धरून त्याच्यावर हल्ला करत असल्याचे नागरिकांच्या लक्षात आले. घटनेच्या ठिकाणी मोठी गर्दी जमली होती. कंपाऊंडच्या आतमध्ये दोन कुत्रे होते. त्यातील पिटबुल कुत्र्याने तरुणावर हल्ला केला. गेट बंद असल्याने लोक आत जाऊ शकले नाहीत. गेटच्या बाहेर जमलेले लोक आरडाओरडा करत होते. दगड आणि लाकडाने मारण्याचा प्रयत्न करत होते. मात्र कुत्रा त्या तरुणाला सोडत नव्हता. पिटबुल कुत्र्याने केलेला हल्ला इतका जबरदस्त केला होता त्याने तरुणास पूर्णपणे नग्न केले. त्याच्या अंगावरील कपडे पूर्णपणे कुत्र्याने फाडले होते. नागरिकांनी दगड काठ्या मारून कुत्र्याला हाकलून लावले, तोपर्यंत कुत्र्याने तरुणास जबरदस्त जखमी केले होते.

Read Latest Soalpur News And Marathi News