तसेच अमली पदार्थ तस्करीचा पैसा मनी लाँड्रिग पद्धतीने व्यवहारित करण्यासाठी एका बँकेतील व्यवस्थापकाचा सहभाग होता. त्या मोठ्या व्यावसायिक बँकेच्या अधिकाऱ्यालाही अटक करण्यात आली आहे. पॉलला या प्रकरणात याआधीही १९८९, २००१ व जानेवारी २०२३ मध्ये अटक झाली होती. अन्य प्रकारणात बोलिव्हियाच्या साओ पावलो येथून दुबईमार्गे एतिहाद एअरलाइन्सने आलेल्या एवलिना अल्वारेझ आणि ग्लोरिया इओर्का या दोघींना अटक करण्यात आली. या दोघीही खेतवाडी येथील हॉटेलमधून हा व्यवसाय करणार असल्याची गुप्त माहिती होती.

त्याआधारे एनसीबीने छापा टाकला असता त्यांच्याकडून एकूण ५ किलो कोकेन जप्त करण्यात आले. तिसऱ्या कारवाईत पुणे जिल्ह्यातील शिरूरजवळ गुप्त माहितीच्याआधारे छापा टाकला असता तेथील दोन प्रयोगशाळेत अल्प्राझोलम हे अमली पदार्थ तयार केले जात असल्याचे दिसू आले. त्याचा १९९.३० किलोचा साठा जप्त करण्यात आले. हे अमली पदार्थ महाराष्ट्रासह तेलंगणा व आंध्रप्रदेशात ताडीमध्ये मिसळून सेवनासाठी पाठवले जाणार होते. या प्रकरणात दोघांना अटक करण्यात आल्याची माहिती एनसीबीने दिली.