भव्य आणि कलात्मक गणेशमूर्ती, आकर्षक सजावट आणि उत्साहाने भारलेले वातावरण यामुळे मुंबईचा गणेशोत्सव केवळ महाराष्ट्रातच नव्हे तर देशभरात आकर्षणाचे केंद्र ठरतो. गणेशोत्सवाच्या कालावधीत विदेशातून अनेक पर्यटक मुंबईला भेट देतात. गणेश मंडळांमधील मूर्तींच्या उंचीची स्पर्धा काही नवीन नाही. सर्वात जास्त उंच मूर्ती आमचीच म्हणत जाहिरातबाजी केली जाते. लालबाग, परळप्रमाणे खेतवाडी तसेच उपनगरांतील काही मूर्तीची उंची दरवर्षी भाविकांचे लक्ष वेधून घेते. यंदा मात्र उंचीऐवजी बाप्पाचा ‘तोल’ हा चर्चेचा विषय ठरत आहे. शंकर, श्रीकृष्ण, श्रीराम, नरसिंह अशा वेगवेगळ्या रूपांतील आणि विशेषतः कमीत कमी आधारावर असलेल्या मूर्ती लक्षवेधी ठरत आहेत.

Devendra Fadnavis: साडेबारा हजार पदे भरा; आदिवासी विद्यार्थ्यांच्या प्रश्नावर मुख्यमंत्र्यांचे भरती प्रक्रिया राबवण्याचे निर्देशआगमन मिरवणुका पाहण्यासाठी प्रचंड गर्दी उसळत असून छायाचित्रे, व्हिडीओच्या माध्यमातून गणेशाची ही वेगवेगळी रूपे कैद केली जात आहेत. रील्सच्या माध्यमातून या मूर्ती व्हायरल होत आहेत. सोशल मीडियावर मिळणारा भाविकांचा प्रतिसाद पाहता या मूर्ती, मूर्तीकाराची कलाकुसर प्रत्यक्षात पाहण्यासाठी अधिक गर्दी उसळण्याची शक्यता व्यक्त करण्यात येत आहे. अत्यल्प आधारावर असलेल्या मूर्तीचे वजन कमीत कमी असावे यासाठी कागदाचा लगदा तसेच इतर साहित्याचा वापर केला जात आहे. मूर्तीचा तोल जाऊ नये यासाठी योग्य ती खबरदारी घेण्यात आल्याचेही मंडळांच्या पदाधिकाऱ्यांचे म्हणणे आहे.

अशी स्पर्धा नको
उंच आणि तरंगत्या मूर्ती सर्वांचे लक्ष वेधून घेत असल्या तरी यावर्षी आगमन सोहळ्यांना भुलेश्वरचा राजाच्या दुर्घटनेची दुःखद किनार आहे. त्यामुळे काहीतरी वेगळे करण्याच्या नादात नको ती स्पर्धा नको, मूर्तिकारांनी भाविकांच्या श्रद्धेचा आणि भावनांचा विचार करावा, असा सूर सध्या सोशल मीडिया आणि जनमानसांत आहे.

Voter List: महाराष्ट्रात तब्बल २ कोटी मतदार वगळले; नवी यादी जाहीर, तुमचं नाव नसेल तर काय करावं लागणार? जाणून घ्या प्रक्रियाकाही लक्षवेधी मूर्ती …
– तुळशीवाडीचा राजा परळचा
– महाराजा मुंबईचा पेशवा मुंबईचा
– इच्छापूर्ती कुलाब्याचा युवराज
– हुकमिल लेनचा राजा कोलभाट
– लेनचा राजा मोरया मौलाना आझाद
– नगरचा मुंबादेवीचा गणराज