नागपूर: नागपुरातील नारा गावाजवळील समता नगर येथील रिकाम्या भूखंडावर पाण्याच्या पाईपलाईनच्या खोदकामात देवीची दगडी मूर्ती सापडली आहे. मंगळवारी सायंकाळी ईश्वर मोहबे यांच्या मोकळ्या भूखंडावर नळासाठी पाईपलाईन टाकण्यासाठी खोदकाम सुरू असताना मजुराची कुदळ दगडावर आदळली. त्या ठिकाणाहून माती काढल्यानंतर आत देवीची दगडी मूर्ती दिसून आली. ही मूर्ती अडीच ते तीन फूट उंच असून प्रथमदर्शनी ही प्राचीन मूर्ती असल्याचे दिसते.
खोदकामात देवीचा मुखवटा समोर आल्याचे फोटो आणि व्हिडिओ व्हायरल होताच भाविकांची गर्दी पाहायला मिळत आहे. ही बातमी वाऱ्यासारखी शहरात पसरताच कालपासूनच हजारो भाविकांनी दर्शनासाठी गर्दी केली आहे. त्यानंतर लोकांनी देवीच्या मुखवट्याची पूजा सुरू केली असून महसूल विभागाने पंचनामा केला आहे.
खोदकामात देवीचा मुखवटा समोर आल्याचे फोटो आणि व्हिडिओ व्हायरल होताच भाविकांची गर्दी पाहायला मिळत आहे. ही बातमी वाऱ्यासारखी शहरात पसरताच कालपासूनच हजारो भाविकांनी दर्शनासाठी गर्दी केली आहे. त्यानंतर लोकांनी देवीच्या मुखवट्याची पूजा सुरू केली असून महसूल विभागाने पंचनामा केला आहे.
हा व्हिडिओ सोशल मीडियावर व्हायरल होताच नागपूर शहरात माँ जगदंबेच्या मुखवट्याची चर्चा सुरू झाली. त्यामुळे या ठिकाणी पोलिसांचा मोठा बंदोबस्त लावण्यात आला आहेत. जमिनीतून खोदकामादरम्यान निघालेल्या देवीचा मुखवटा पाहण्यासाठी नागरिक गर्दी करत आहेत, भाविक पूजा अर्चना करताना दिसून येत आहेत.
घटनास्थळी सध्या पुरातत्त्व विभागाकडून कोणीही पोहोचलेलं नाही. त्यामुळे दगडाचा दिसत असलेला मुखोटा किती पुरातन आहे, याबद्दल प्रशासनाकडून अधिकृत माहिती देण्यात आलेली आहे. मात्र, स्थानिक नागरिक मंदिर बांधण्याची मागणी करत आहे.