कोकणात प्रामुख्याने मुबलक प्रमाणात तांदूळ आणि नारळाचे उत्पादन होत असल्याने उकडीचे मोदक तेथील पारंपरिक पदार्थ आहे. तेथे दर महिन्याच्या चतुर्थीला गणरायाला उकडीचे मोदक नैवेद्य म्हणून दाखविण्याची प्रथा आहे. गूळ, खोबरे, खसखस, जायफळ, वेलची यांचे सारण आणि इंद्रायणी व आंबेमोहर तांदळाची पिठी यापासून उकडीचे मोदक तयार करण्यात येतात.

‘अॅप’वरून मोठी मागणी

उकडीच्या मोदकांची किंमत २१ रुपये ते ५१ रुपये प्रतिनग आहे. त्यात सुकामेवा आणि केशरयुक्त मोदकांचा समावेश आहे. काही मोदकांसोबत तुपाचे पाकीटदेखील दिले जाते. अनेक गृहिणी, कुटुंबीय सोशल मीडियावर आपल्या मोदकांची जाहिरात करतात. ‘माऊथ पब्लिसिटी’सह फूड डिलिव्हरी अॅपचाही मोठा वापर केला जातो. त्यामुळे अॅपद्वारेही मोठ्या प्रमाणात मागणी नोंदविली जात आहे.
निर्माल्याचा दुर्गंध? छे, तयार होणार सुगंधी अत्तर! नीरी-नागपूर मनपाची सकारात्मक चर्चा
आम्ही मागणीनुसार मोदक देतो. गणेशोत्सवादरम्यान आम्ही दररोज शंभरहून अधिक मोदकांचे उत्पादन करतो. हे मोदक बनविणे वेळखाऊ प्रक्रिया आहे. परंतु, जो त्यांची चव चाखतो त्याच्या चेहऱ्यावरील समाधान फार मोलाचे आहे.-संध्या जोशी, मोदक उत्पादक

माझ्या आईला हे मोदक बनविण्याची हातोटी माहिती आहे. ती इतर रंग न वापरता मोदक बनविते. आम्ही ड्रायफ्रूट आणि केशर वापरतो. हे मोदक तुपासह गरमागरम सर्व्ह केले जातात.-गणेश कुलकर्णी, मोदक व्यावसायिक