सोलापूर: सोलापूर जिल्ह्यातील माढा तालुक्यातील व्होळे खुर्द या ठिकाणी खळबळजनक घटना घडली आहे. पतीने पत्नीचा गळा दाबून खून करून स्वतः राहत्या घरात गळफास घेऊन आत्महत्या केली आहे. या खळबळजनक घटनेने सोलापूर जिल्हा हादरला आहे. प्रशांत महादेव ओहोळ (वय ३४, मूळ रा. मोडनिंब, सध्या रा. व्होळे खुर्द) याने राहत्या घरी पत्नी सोनाली ओहोळ (वय २६) हिचा गळा दाबून खून केला. त्यानंतर त्याने गळफास घेत स्वत:चं आयुष्यही संपवलं.
प्रशांत हा त्याच्या आई-वडिलांसोबत भांडण करुन आपल्या सासरी आला होता. गेल्या अनेक महिन्यांपासून तो सासू सासऱ्यांच्या गावीच राहत होता. जावई आणि मुलगी डोळ्यासमोर राहत असल्याने सासरचे लोक देखील आनंदात होते. पण, प्रशांत याने इतकं टोकाचं पाऊल उचलल्याने त्यांना जबर धक्का बसला आहे.
प्रशांत हा त्याच्या आई-वडिलांसोबत भांडण करुन आपल्या सासरी आला होता. गेल्या अनेक महिन्यांपासून तो सासू सासऱ्यांच्या गावीच राहत होता. जावई आणि मुलगी डोळ्यासमोर राहत असल्याने सासरचे लोक देखील आनंदात होते. पण, प्रशांत याने इतकं टोकाचं पाऊल उचलल्याने त्यांना जबर धक्का बसला आहे.
बागेत खोदकाम करताना जुनी पेटी सापडली, उघडताच जोडपं हादरलं, थेट पोलिसांना फोन
पत्नीचा गळा आवळून खून आणि नंतर स्वतः गळफास घेत आत्महत्या
प्रशांत ओहोळ याने पत्नी सोनालीचा गळा आवळून खून केला आणि नंतर स्वतः देखील गळफास घेत आत्महत्या केली. ही घटना माढा तालुक्यातील व्होळे (खुर्द) येथे शनिवारी सकाळी घडली आहे. टेंभुर्णी पोलिस स्टेशनमध्ये याबाबतचा गुन्हा दाखल करण्यात आला आहे. या घटनेने सोलापूर जिल्ह्यात एकच खळबळ उडाली आहे. पत्नीचा खून करण्याचे आणि स्वतः आत्महत्या करण्याचे कारण अद्याप समोर आले नसून टेंभुर्णी पोलिस त्याचा शोध घेत आहेत.
दार उघडताच दिसेल त्याच्यावर वार, पत्नी, मेव्हणा, आजेसासूला संपवलं, तिहेरी हत्याकांडाने अहमदनगर हादरलं
जावयाने टोकाचे पाऊल उचलत जबर धक्का दिला
घटनेची माहिती मिळतात टेंभुर्णी पोलिस स्टेशनचे पोलिस निरीक्षक दीपक पाटील यांनी घटनास्थळास भेट देऊन माहिती घेतली आहे. प्रशांत ओहोळ हा मूळचा मोडनिंब येथील रहिवाशी असून वडिलांशी भांडण झाल्याने तो काही महिन्यापासून व्होळे येथे सासरवाडीत राहत होता. शनिवारी सकाळी पती-पत्नीचे मृतदेह पाहून सासरकडील लोकांना जबर धक्का बसला. टेंभुर्णी पोलिसांनी पंचनामा करून मृतदेह टेंभुर्णी प्राथमिक आरोग्य केंद्रात शवविच्छेदनासाठी पाठवले आहेत. जावयाने मुलीला ठार करून स्वतःही आत्महत्या केल्याने सासू-सासऱ्याला आणि सासरकडील लोकांना जबर धक्का बसला आहे.