पुणे : लोकसभा निवडणुका काही महिन्यांवर येऊन ठेपल्या आहेत. त्यामुळे देशभरात सध्या लोकसभा निवडणुकीचे वारे वाहण्यास सुरवात झाली आहे. एनडीए आणि इंडिया आघाडीच्या बैठका सुरु आहेत. देशातील अनेक ठिकाणी लोकसभा मतदारसंघात उमेदवारांची चाचपणी सुरु झाली आहे. यामध्ये भारतीय जनता पक्षाने आघाडी घेतली असून येत्या लोकसभा निवडणुकीत काही धक्कादायक नावांची चाचपणी भाजपकडून केली जात आहे.
आज देशाचे गृहमंत्री अमित शाह हे गणेश दर्शनासाठी मुंबई दौऱ्यावर होते. यावेळी अमित शाह आणि उपमुख्यमंत्री देवेंद्र फडणवीस यांच्यात एक बैठक पार पडली. या बैठकीत लोकसभा उमेदवारांच्या नावावर चर्चा झाली असल्याची माहिती खात्रीलायक सूत्रांनी दिली आहे. यामध्ये जळगावमधून उज्ज्वल निकम (Jalgaon Losabha Ujjwal Nikam), धुळ्यातून प्रतापराव दिघावकर (Dhule Loksabha Pratap Dighawkar), मुंबईतल्या एका मतदारसंघासाठी माधुरी दीक्षित (Madhuri Dixit) तर पुणे लोकसभा मतदारसंघातून सुनील देवधर (Sunil Dheodhar) यांच्या नावांची चर्चा अमित शाह आणि देवेंद्र फडणवीस यांच्यात झाली असल्याची माहिती सूत्रांनी दिली आहे.
आज देशाचे गृहमंत्री अमित शाह हे गणेश दर्शनासाठी मुंबई दौऱ्यावर होते. यावेळी अमित शाह आणि उपमुख्यमंत्री देवेंद्र फडणवीस यांच्यात एक बैठक पार पडली. या बैठकीत लोकसभा उमेदवारांच्या नावावर चर्चा झाली असल्याची माहिती खात्रीलायक सूत्रांनी दिली आहे. यामध्ये जळगावमधून उज्ज्वल निकम (Jalgaon Losabha Ujjwal Nikam), धुळ्यातून प्रतापराव दिघावकर (Dhule Loksabha Pratap Dighawkar), मुंबईतल्या एका मतदारसंघासाठी माधुरी दीक्षित (Madhuri Dixit) तर पुणे लोकसभा मतदारसंघातून सुनील देवधर (Sunil Dheodhar) यांच्या नावांची चर्चा अमित शाह आणि देवेंद्र फडणवीस यांच्यात झाली असल्याची माहिती सूत्रांनी दिली आहे.
दरम्यान, सुनील देवधर यांना पुण्यातून लोकसभा निवडणूक लढवण्यासाठी थेट दिल्लीतून यापूर्वीच आदेश आले असल्याची माहिती आहे. तर प्रतापराव दिघावकर यांनी लोकसभा निवडणूक लढवणार असल्याच्या अटीवरच भाजपमध्ये प्रवेश केला असून त्यांना धुळे लोकसभा मतदारसंघातून मैदानात उतरवण्याची तयारी भाजपने केली आहे.
शेतकऱ्याचं पोरगं IPS अधिकारी झालं, पोलीस वर्तुळ गाजवलं, हाती कमळ घेऊन धुळ्यातून लोकसभा लढणार?
तर २०१९ साली जळगावमध्ये स्टँडिंग खासदार ए. टी. पाटील यांचे तिकीट कापून भाजपने उन्मेष पाटील यांना उमेदवारी देत मोठी जबाबदारी सोपवली होती. मात्र आता २०२४ साली या मतदारसंघात भाजप मोठा बदल करत धक्कादायक नाव म्हणजेच ज्येष्ठ विधिज्ज्ञ उज्ज्वल निकम यांच्या नावाची चाचपणी भाजपकडून केली जात आहे. त्यामुळे अमित शहा यांनी मुंबईत येऊन काही धक्कादायक नावांची चर्चा आणि चाचपणी केल्याने येत्या काही दिवसांत राज्यातील राजकारण जोरदार तापण्याची शक्यता आहे.