म. टा. प्रतिनिधी, येरवडा : विमाननगर येथील फिनिक्स मॉल पार्किंगच्या सातव्या मजल्यावरून पडून तरुणाचा मृत्यू झाल्याची घटना शुक्रवारी सायंकाळी घडली. तरुणाने आत्महत्या केली की अपघात हे समजू शकले नाही. रिचर्ड एबल झकेरिया (वय.२५, रा. फुलेनगर येरवडा) असे मृत्यूमुखी पडलेल्या तरुणाचे नाव आहे. या प्रकरणी विमानतळ पोलीस ठाण्यात अकस्मात मृत्यूची नोंद करण्यात आली आहे.
विमानतळ पोलिसांनी दिलेल्या माहितीनुसार, शुक्रवारी सायंकाळी ५ वाजण्याच्या सुमारास फिनिक्स मॉलच्या पार्किंगच्या सातव्या मजलावरून खाली पडून एक तरुण गंभीर जखमी झाल्याची माहिती नियंत्रण कक्षाकडून देण्यात आली होती. घटनास्थळी पोलिसांनी तात्काळ धाव घेतली. गंभीर जखमी अवस्थेत उपचारासाठी ससून रुग्णालयात दाखल केले असता तरुणाचा उपचारापूर्वीच मृत्यू झाल्याचे डॉक्टरांनी घोषित केले.
विमानतळ पोलिसांनी दिलेल्या माहितीनुसार, शुक्रवारी सायंकाळी ५ वाजण्याच्या सुमारास फिनिक्स मॉलच्या पार्किंगच्या सातव्या मजलावरून खाली पडून एक तरुण गंभीर जखमी झाल्याची माहिती नियंत्रण कक्षाकडून देण्यात आली होती. घटनास्थळी पोलिसांनी तात्काळ धाव घेतली. गंभीर जखमी अवस्थेत उपचारासाठी ससून रुग्णालयात दाखल केले असता तरुणाचा उपचारापूर्वीच मृत्यू झाल्याचे डॉक्टरांनी घोषित केले.
रिचर्ड विमान नगर येथील एका खाजगी फायनान्स कंपनीत नोकरीला होता. शुक्रवारी सकाळी तो नेहमीप्रमाणे कामावर आला होता. सायंकाळी फिनिक्स मॉलमध्ये गेल्यानंतर अचानक मॉल पार्किंगच्या सातव्या मजल्यावरून तो खाली कोसळला. हा अपघात नेमका कसा झाला? हे मात्र समजू शकलेले नाही. त्यामुळे हा अपघात की आत्महत्या याचा तपास पोलीस करीत आहेत. रिचर्ड याच्या पश्चात वयोवृद्ध आई-वडील असा परिवार आहे. वरिष्ठ पोलीस निरीक्षक विलास सोंडे यांच्या मार्गदर्शनाखाली सहाय्यक पोलीस निरीक्षक देशमुख पुढील तपास करीत आहेत.