म. टा. प्रतिनिधी, पुणे : गणेशोत्सवात देखावे पाहण्यासाठी पुणे शहरात येणाऱ्या नागिरकांची संख्या मोठी असते. त्यामुळे वाहतूक शाखेकडून तात्पुरत्या स्वरुपात २६ ठिकाणी वाहनतळ सुरू करण्यात येणार आहे. विसर्जन मिरवणुकीपर्यंत हे वाहनतळ सुरू राहणार आहेत. त्यामुळे नागरिकांना त्यांच्या गाड्या पार्किंग करण्यासाठी जागा मिळणार असून या वाहनतळांचा वापर करावा, असं आवाहन वाहतूक शाखेचे पोलीस उपायुक्त विजयकुमार मगर यांनी केले आहे.
दरम्यान, वाहतूक शाखेच्या या निर्णयामुळे गणेशोत्सवात पुण्यात येणाऱ्या नागरिकांची डोकेदुखी टळणार असल्याने समाधान व्यक्त केलं जात आहे.