नांदेड: वाहनाचे थकीत बिल काढून देण्यासाठी पाच हजाराची लाच घेताना सीबीआयच्या लाच लूचपत विभागाने नांदेडच्या एका रेल्वे अधिकाऱ्याला अटक केली आहे. एम शिवय्या असे या अधिकाऱ्याचे नाव आहे. सोमवारी सायंकाळी सीबीआयच्या पथकाने ही कारवाई केली.
तेव्हा तक्रारदाराने ७ सप्टेबर रोजी पुणे येथील सीबीआयच्या लाच लुचपत विभागाकडे तक्रार केली. त्यानुसार सोमवारी सायंकाळी सीबीआयचे चार अधिकारी नांदेडला पोहचले. त्यानंतर अधिकाऱ्याच्या दालनातच सापळा रचला. कार्यालयात तक्रारदाराकडून लाचेची उर्वरित रक्कम घेताना सीबीआयच्या अधिकाऱ्यांनी रेल्वेच्याअधिकाऱ्याला अटक केली.
दरम्यान पूर्णा रेल्वेच्या अधिकाऱ्यावर देखील या पथकाने कारवाई केल्याची माहिती आहे. मंगळवारी रेल्वे अधिकाऱ्याला नांदेडच्या न्यायालयात हजर करण्यात आले होते. यावेळी न्यायलयाने अधिकाऱ्याला १४ सप्टेंबरपर्यंत पोलीस कोठडी सुनावली. सीबीआय पथकाच्या या कारवाईने रेल्वे विभागात एकच खळबळ उडाली आहे. सीबीआयची नांदेडमध्ये ही पहिली कारवाई असल्याचे बोलले जात आहे. ७० हजार रुपये पगार असताना केवळ पाच हजार रुपयच्या लाचेसाठी अधिकाऱ्याने लाच घातल्याने रेल्वे विभागात चर्चेचा विषय बनला आहे.