या अभिप्रायावर मनसेचे पाच नगरसेवक आपल्या स्वतंत्र दालनात बसणार की शिवसेना गटनेते दालनात जागा शोधावी लागणार, हे स्पष्ट होणार आहे. त्यामुळे या निर्णयाकडे सर्वांचे लक्ष लागले आहे.

‘शिवशक्ती युती’ हा स्वतंत्र गट

कल्याण-डोंबिवली महापालिकेच्या २०२६च्या निवडणुकीत शिवसेना ५३, भाजप ५०, उबाठा ११, मनसे ५, काँग्रेस २० आणि राष्ट्रवादी काँग्रेस (शरद पवार गट) १ असे पक्षीय बलाबल प्राप्त झाले आहे. त्यानंतर शिवसेनेने राजकीय डावपेच रचत महापालिकेतील सर्वात मोठा गट बनण्यासाठी मनसे तसेच राष्ट्रवादी काँग्रेसच्या नगरसेवकाला सोबत घेत ५९ सदस्यांचा ‘कल्याण-डोंबिवली शिवशक्ती युती’ हा स्वतंत्र गट स्थापन केला. या गटाच्या नोंदणीसाठी मनसे आणि राष्ट्रवादी या दोन्ही पक्षांनी पाठिंब्याची पत्रे कोकण विभागीय आयुक्तांकडे सादर केली होती. त्यानंतर या गटाला कायदेशीर मान्यता असल्याचे कोकण विभागीय आयुक्तांनी स्पष्ट केले आहे.

BMC Election : काँग्रेस-सपा नगरसेवकांकडून ठाकरेंचा गेम, प्रभाग समिती अध्यक्ष निवडणुकीत श्रद्धा जाधवांचा एका मताने पराभव

स्वतंत्र दालन मिळणार का?

महापालिका आयुक्त अभिनव गोयल यांनी कोकण विभागीय आयुक्तांना महापालिकेतील सदस्यसंख्येबाबत पत्रव्यवहार केला होता. त्या पत्राच्या उत्तरात शिवसेना, राष्ट्रवादी आणि मनसे हे एकाच गटाचे सदस्य असल्याचे नमूद केल्याने मनसेच्या स्वतंत्र अस्तित्वाबाबत प्रश्नचिन्ह निर्माण झाले आहे. शिवसेना सदस्यांकडून मनसे हा स्वतंत्र राजकीय पक्ष असल्याने त्यांना महापालिकेत स्वतंत्र दालन मिळायला हवे, असा दावा केला जात आहे.
NCP Merger : दोन्ही पक्षांच्या भावना समजून घेणारा नेताच उरला नाही, राष्ट्रवादीच्या विलीनीकरणाला पूर्णविराम, जयंत पाटलांचं सूतोवाच

मनसेचा समावेश शिवसेना गटात झाल्यामुळे त्यांना स्वतंत्र दालन देता येईल का, याबाबत पालिका आयुक्तांनी पुन्हा एकदा कोकणविभागीय आयुक्तांकडे मार्गदर्शन मागितले आहे.