नेमकं काय घडलं?

मिळालेल्या माहितीनुसार, ही घटना सोमवार, २ मार्च रोजी दुपारी साडेबारा वाजण्याच्या सुमारास उघडकीस आली. एकदंतनगर फाट्याजवळ एक अर्टिगा कार (क्रमांक MH-08-AN-8904) बराच वेळ उभी होती. कारच्या काचांना बाष्प जमा झाल्याचे पाहून स्थानिक नागरिकांना संशय आला.काही लोकांनी जेव्हा जवळ जाऊन पाहिलं, तेव्हा वैभव सावंतदेसाई हे कारची ड्रायव्हर सीट मागे करुन झोपलेल्या अवस्थेत दिसून आले. नागरिकांनी त्यांना आवाज दिला, मात्र आतून कोणताही प्रतिसाद मिळाला नाही.

तोंडाला फेस, हालचाल बंद

परिस्थितीचं गांभीर्य ओळखून उपस्थित नागरिकांनी गाडीची काच फोडली आणि दरवाजा उघडला. त्यावेळी सावंतदेसाई यांच्या शरीराची कोणतीही हालचाल होत नव्हती आणि त्यांच्या तोंडातून फेस आलेला होता. नागरिकांनी तातडीने त्यांना त्याच कारमधून जिल्हा शासकीय रुग्णालयात उपचारासाठी दाखल केलं, मात्र रुग्णालयातील वैद्यकीय अधिकाऱ्यांनी तपासणीअंती त्यांना मृत घोषित केलं.
Bhandup Accident : ड्रायव्हर संतोष सावंतने मुद्दाम बेस्ट बस भांडुप स्टेशनबाहेरील पादचाऱ्यांवर चढवली, 704 पानी आरोपपत्र दाखल
या घटनेची माहिती मिळताच रत्नागिरी ग्रामीण पोलिसांनी रुग्णालयात धाव घेतली. वैभव सावंतदेसाई यांचा मृत्यू नेमका कशामुळे झाला, याचे कारण अद्याप अस्पष्ट असून शवविच्छेदन अहवालानंतरच अधिक माहिती समोर येईल. रत्नागिरी पोलीस या प्रकरणाचा अधिक तपास करत आहेत.

सांगलीत बॅरलमध्ये शव आढळले

दुसरीकडे, सांगली येथील इंदिरानगरमधील बेपत्ता असलेला बांधकाम मजूर रोहित मुकेश म्हैशाळे (वय २९) याचा खून करून त्याची बॉडी निळ्या रंगाच्या बॅरलमध्ये घालून विहिरीत टाकल्याचे उघडकीस आले आहे. शहरातील विठ्ठलनगर येथील एका पडीक विहिरीतून पोलिसांनी शव असलेले बॅरल गुरुवारी बाहेर काढले.
Crime News : कॉलेज विद्यार्थिनीच्या खोलीतच 25 वर्षीय बँक कर्मचाऱ्याने जीव दिला, तरुणीचा आरडाओरडा, निंबाळकर कुटुंब शोकसागरात
या प्रकरणी पोलिसांनी दोन अल्पवयीन संशयितांना ताब्यात घेतले असून, त्यांची कसून चौकशी केली जात असल्याचे विश्रामबागचे पोलिस निरीक्षक सुधीर भालेराव यांनी सांगितले. मृत रोहित म्हैशाळे याच्या खुनाचा आणि दलित महासंघाच्या मोहिते गटाचे उत्तम मोहिते यांच्या खुनाचा काही संबंध आहे का, या दिशेनेही पोलिस तपास करीत आहेत.