कोल्हापूर : कोल्हापूर-रत्नागिरी महामार्गावर आंबेवाडीजवळ एक भीषण अपघात झाला आहे. याबद्दल एका तरुणाचा जागीच मृत्यू झाला असून ९ जण जखमी झाले आहेत. हा अपघात सायंकाळच्या सुमारास झाला असून एक कार रिक्षा आणि दोन दुचाकी यांची धडक झाल्याने हा अपघात घडला. सर्व जखमींना सीपीआर रुग्णालयात दाखल करण्यात आल्या असून ९ जणांपैकी दोघांची प्रकृती चिंताजनक आहे. या अपघाताची माहिती मिळताच जखमेच्या नातेवाईकांनी सीपीआर रुग्णालय परिसरात मोठी गर्दी केली होती.
मृत आणि जखमींचा नावे पुढील प्रमाणे…
Thane Bandh : सोमवारी ठाणे बंद; सकल मराठा मोर्चाचा निर्णय, सर्वपक्षांसह संभाजी ब्रिगेडचाही पाठिंबा
कारने पन्हाळ्याच्या दिशेने निघालेल्या रिक्षाला जोरदार धडक दिली. या धडकेत रिक्षा उलटून रस्त्यावरून खाली पडली. तर याच वेळी समोरून कार पुढे जाऊन दोन दुचाकींना उडवत बाजूला जाऊन उलटली. या अपघातात दुचाकीवरील पंकज जाधव याच्या डोक्याला, छातीला गंभीर दुखापत झाल्याने त्याचा जागीच मृत्यू झाला, तर कार, रिक्षा आणि दोन्ही दुचाकींवरील ११ जण जखमी झाले.
दरम्यान, येथील नागरिकांनी तत्काळ मदितीसाठी धाव घेतली आणि जखमींना १०८ रुग्णवाहिकेतून सीपीआरमध्ये दाखल केले. दरम्यान या घटनेची माहिती मिळताच करवीर पोलिसांनी अपघातस्थळी जाऊन पंचनामा केला असून अपघातात चारही वाहनांचे मोठे नुकसान झाले.
प्रेयसीच्या मदतीने तरुणाने केलं असं काही की पोलीस चक्रावले, आरोपी अटकेत पण गर्लफ्रेंडने दिला चकवा
मृत आणि जखमींचा नावे पुढील प्रमाणे…
पंकज भाऊसो जाधव (वय २०, रा. दरेवाडी, ता. पन्हाळा) असे मृताचे नाव आहे. तर कारमधील सुंदर निवृत्ती बिडगर (वय ४०), शांता सुंदर बिडगर (वय ३६), गीतेश सुंदर बिडगर (वय १०, रा. डिग्रज, ता. संगमनेर, जि. अहमदनगर), रिक्षातील रुचिरा अभिजीत आंबरोसकर (वय ४०, रा. मुंबई), दुचाकीवरील गणेश अमर बजागे (वय २१, रा. पडळवाडी, ता. करवीर), मझहर सफीअहमद टीनमेकर (वय ४०), अल्मास मझहर टीनमेकर (वय ३५, दोघे रा. परीट गल्ली, शुक्रवार पेठ, कोल्हापूर), रिक्षाचालक मुस्ताक अजीज शेख (वय ५२, रा. मंगळवार पेठ, कोल्हापूर) हे जखमी झाले. यातील रुचिरा आंबरोसकर आणि शांता बिडगर यांची प्रकृती गंभीर आहे.
Success Story : नोकरीनंतर एका आयडियाने कमाल केली, शिक्षक ते यशस्वी उद्योजिका; महिन्याला कमवतात १.५ लाख…