म. टा. प्रतिनिधी, कोल्हापूर : मराठा आरक्षणाचा विषय लवकर सोडविण्यासाठी राज्य सरकारने तातडीने निर्णय घ्यावा, अन्यथा मराठा समाज पेटून उठेल व त्यामुळे कायदा व सुव्यवस्था धोक्यात येईल, याची सर्व जबाबदारी राज्य सरकारवर राहिल, असा इशारा इशारा महाराष्ट्र कांती सेनेचे अध्यक्ष सुरेशदादा पाटील यांनी दिला.
पाटील म्हणाले, “आज अनेक पक्षातले सर्व नेते मराठा समाजाला आरक्षण दिले पाहिजे म्हणून भांडतायेत. पण त्यांचा खरंच मराठा समाजाला आरक्षण मिळावे म्हणून पाठिंबा आहे का? हे शोधले पाहिजे. की फक्त मतं मागण्यासाठी केले जाणार नाटक आहे याचे चिंतन येणाऱ्या काळात केलं पाहिजे”.
विखेंच्या अंगावर भंडारा फेकणाऱ्याला भाजप शहराध्यक्षांनी तुडवला पण काही तासांतच माफी मागितली, नेमकं काय घडलं?
आरक्षणप्रश्नी राज्य सरकार आणखी किती लोकांचा बळी घेणार? असा सवाल करून ते म्हणाले, नोकरी, शिक्षण, आरोग्य आणि उद्योग या क्षेत्रामध्ये मराठ्यांना प्रगती करायची असेल तर मराठा समाजाला आरक्षणाशिवाय पर्याय नाही. काकासाहेब शिंदे यांचा बळी मागील वर्षी असाच सरकारच्या चुकीमुळेच गेला. जर मनोज जरांगे पाटलांना काही झालं तर त्याची सर्व जबाबदारी महाराष्ट्र शासनावर असेल असा इशाराही त्यांनी दिला. या पत्रकार परिषदेसाठी भरत पाटील, जयदीप शेळके, प्रसाद लाड, मधुकर पाटील, युवराज पाटील आदी उपस्थित होते.