चंद्रपूर: वाघांच्या जिल्हा अशी ओळख असलेल्या चंद्रपुरातून धक्कादायक घटना पुढे आली आहे. वाघाच्या दोन बछड्यांचा मृतदेह आढळून आला. तर एका अशक्त बछड्याला वन विभागाने पिंजऱ्यात आईपासून वेगळे झालेल्या दोन बछड्यांचा मृत्यू; एकावर उपचार सुरू केले असून त्याच्यावर उपचार सुरू आहेत. ही घटना बल्लारपूर वनपरिक्षेत्रांतर्गत येणाऱ्या कळमना उपक्षेत्रातील कक्ष क्रमांक ५७२ मध्ये आज (गुरुवारी) उघडकीस आली. या घटनेने वनविभागात एकच खळबळ उडाली आहे. दरम्यान दोन बछड्यांचा मृत्यू उपासमारीमुळे झाला असावा, असा प्राथमिक अंदाज वन विभागाने वर्तवला आहे. हे तिनही बछडे आईपासून वेगळे झाले असावे, असाही तर्क लावला जात आहे.
त्याच परिसरात इरतत्र ठिकाणी दोन वाघाचे बछडे मृत अवस्थेत आढळून आलेत. वन विभागाने पंचनामा करून वन्यप्राणी (संरक्षण) अधिनियम १९७२ अन्वये प्राथमिक वन गुन्हा क्रमांक 08945/223615/2023 नोंदविला आहे. दोन्ही मृत वाघाचे बछडाचे शव ताब्यात घेऊन शवविच्छेदना करीता वन्यजीव उपचार केंद्र, ताडोबा अंधारी व्याघ्र प्रकल्प, चंद्रपूर येथे नेण्यात आले. शवविच्छेदन अहवाल प्राप्त झाल्यानंतर मृत्यूचे कारण सांगता येईल, असे वन अधिकाऱ्यांनी सांगितले. सदर प्रकरणाचा पुढील तपास श्वेता बोड्डु, उपवनसंरक्षक मध्य चांदा वनविभाग, चंद्रपूर. शेख तौसीफ शेख हैदर यांचे मार्गदर्शनात नरेश भोवरे, वनपरिक्षेत्र अधिकारी करीत आहे.