सातारा : जागतिक वारसा स्थळ व विविधरंगी फुलांसाठी प्रसिद्ध असलेल्या कास पठारावर फुलांच्या रंगछटा बहरण्यास प्रारंभ झाला आहे. नैसर्गिक रंगीबेरंगी रानफुलांची उधळण पाहायला मिळत आहे. या पार्श्वभूमीवर कास पठार कार्यकारी समितीच्या वतीने यावर्षीच्या हंगामाचा प्रारंभ आज श्रीमंत छत्रपती उदयनराजे भोसले यांच्या हस्ते करण्यात आला. यावेळी जिल्हाधिकारी जितेंद्र डूडी, जिल्हा पोलीस अधीक्षक समीर शेख, जिल्हा उपवनसंरक्षक आदिती भारद्वाज, दत्ता किर्दत व कास पठार कार्यकारी समितीचे पदाधिकारी यांची प्रमुख उपस्थिती होती.
उदयनराजे म्हणाले, कासच्या पर्यटन वाढीसाठी प्रयत्न करणार आहे. कास परिसरात रोजगार कसा वाढेल याकडेही लक्ष देणार आहे. त्यासाठी कास महोत्सवाचे नियोजनही आम्ही करत आहोत. कास हा सुंदर परिसर आहे. त्याला नैसर्गिक वारसा लाभला आहे. पठारावरील राजमार्ग सुरू केल्यास महाबळेश्वर, पाचगणीला येणारा पर्यटकही या भागाला भेट देईल. त्यामुळे आपोआपच या भागातील पर्यटन वाढवून येथील नागरिकांना रोजगार उपलब्ध होईल. या परिसरातील नागरिक उदरनिर्वाहासाठी मोठ्या प्रमाणात शहराकडे स्थलांतरित झाले आहेत. जर या भागात पर्यटन वाढले तर त्यांना या ठिकाणीच रोजगार उपलब्ध होऊन बाहेर शहरी भागात जाण्याची गरज भासणार नाही. कास परिसरास येणाऱ्या पर्यटकांनी आपलाच परिसर समजून स्वच्छ ठेवावी तसेच या परिसरातील सौंदर्याला कसलीही बाधा न येता पर्यटनाचा निसर्गाचा आस्वाद घ्यावा, असे आवाहनही त्यांनी केले.
उदयनराजे म्हणाले, कासच्या पर्यटन वाढीसाठी प्रयत्न करणार आहे. कास परिसरात रोजगार कसा वाढेल याकडेही लक्ष देणार आहे. त्यासाठी कास महोत्सवाचे नियोजनही आम्ही करत आहोत. कास हा सुंदर परिसर आहे. त्याला नैसर्गिक वारसा लाभला आहे. पठारावरील राजमार्ग सुरू केल्यास महाबळेश्वर, पाचगणीला येणारा पर्यटकही या भागाला भेट देईल. त्यामुळे आपोआपच या भागातील पर्यटन वाढवून येथील नागरिकांना रोजगार उपलब्ध होईल. या परिसरातील नागरिक उदरनिर्वाहासाठी मोठ्या प्रमाणात शहराकडे स्थलांतरित झाले आहेत. जर या भागात पर्यटन वाढले तर त्यांना या ठिकाणीच रोजगार उपलब्ध होऊन बाहेर शहरी भागात जाण्याची गरज भासणार नाही. कास परिसरास येणाऱ्या पर्यटकांनी आपलाच परिसर समजून स्वच्छ ठेवावी तसेच या परिसरातील सौंदर्याला कसलीही बाधा न येता पर्यटनाचा निसर्गाचा आस्वाद घ्यावा, असे आवाहनही त्यांनी केले.
यावर्षी वेगवेगळ्या गोष्टींसाठी असणारं शुल्क कमी करून १५० रुपयांत प्रवेश शुल्क, पार्किंगपासून पठारापर्यंत बस व इतर सुविधा उपलब्ध करण्यात आल्या आहेत. कासला पर्यटनासाठी येणाऱ्या पर्यटकांना www.Kas.ind.in या वेबसाईटला भेट देऊन नोंदणी करावयाची आहे किंवा प्रत्यक्ष जागेवरही बुकिंग करता येणार आहे. यामुळे साधारणत: दिवसभरात तीन हजार पर्यटक कास परिसराला देऊ शकतील.
गेल्या आठ दिवसांपासून परिसरातील पावासाचे प्रमाण कमी झाले आहे. अधूनमधून श्रावण सरी कोसळत असल्याने फुलांच्या वनस्पती उमलण्यास पोषक वातावरण निर्माण झाले आहे. विविध फुलांच्या कळ्या उमलण्यास प्रारंभ झाला आहे. सध्या पठारावर चवर (रानहळद), पांढऱ्या रंगाची पंद, पाचगणी आमरी, सोनकी, तेरडा, गेंद, टुथब्रश, निलिमा आदी विविध जाती प्रजातीच्या फुलांच्या रंगीबेरंगी कळ्या दिसू लागल्या आहेत. ऊन पावसाचा खेळ असाच सुरू राहिल्यास येत्या आठ-दहा दिवसांत विविधरंगी फुलांचा मोठ्या प्रमाणात बहर येईल.
कास पठार कार्यकारी समितीमार्फत हंगामाचे नियोजन करण्यात आले. सुरक्षारक्षक व इतर कामांसाठी साधारणतः दीडशे लोकांची नियुक्ती करण्यात आली आहे. समितीमध्ये समाविष्ट असलेल्या गावांमधून ही लोक निवडण्यात आली आहेत. उन्हाळ्यात लोखंडी जाळी यावर्षी काढण्यात आली. परंतु पर्यटक फुलांच्या क्षेत्रात कसेही प्रवेश करत असल्याने सध्या पठारावर समितीच्या वतीने फुलांच्या भागाचे संरक्षण करण्यासाठी तात्पुरती नायलॉनची जाळी बसवली आहे.
पठारावर फुले उमलण्यास पोषक वातावरण निर्माण झाले असून रंगीबेरंगी फुलांच्या कळ्या उमलू लागल्या आहेत. फुले बहरून पठारावर फुलांची चादर निर्माण होण्‍यास अनुकूल स्थिती आहे. पावसाचे प्रमाण कमी झाले असले तरी ऊन पावसाचा खेळ पुढील महिनाभर सतत कायम राहिल्यास महिना ते दीड महिना फुलांचा हंगाम पर्यटकांना अनुभवायला मिळणार आहे.