याबाबत मनसे पदाधिकाऱ्यांनी सांगितले की, मनसे आमदार राजू पाटील हे निवडून आल्यापासून चांगल्या प्रकारे काम करत आहेत. सत्ताधारी आणि प्रशासनावर वचक ठेवण्याचे काम करत आहेत. शनिवारी संध्याकाळी कल्याण येथील आडीवली ढोकळी गावातील रस्त्याचे भूमिपूजन होते. या रस्त्याला मनसे आमदार पाटील यांनी निधी दिला आहे. त्यामुळे त्यांचे आभार व्यक्त करण्यासाठी माजी नगरसेवक कुणाल पाटील यांनी आपल्या बॅनरवर त्यांचा फोटो लावला आहे.

दरम्यान याबाबत मनसे आमदार यांनी सांगितले की, निवडून आल्यानंतर लोकप्रतिनिधी पक्ष न पाहता काम करतात आणि विकास कामांमध्ये आम्ही कधीही राजकारण केले नाही. आडीवली ढोकळी गावातील रस्त्याकरता माजी नगरसेवक कुणाल पाटील आणि शिवसेना (शिंदे गट) पदाधिकारी राहुल पाटील यांनी पाठपुरावा केला होता. आता त्याचे भूमिपूजन करण्यात आले आहे. तसेच लवकरच यांचे काम होईल, असे ते म्हणाले.