मुंबई: ठाकरे गटाचे ज्येष्ठ पदाधिकारी सुधीर मोरे यांनी गुरुवारी रात्री घाटकोपर ते विद्याविहार या रेल्वे स्थानकांदरम्यान स्वत:ला ट्रेनखाली झोकून देत आत्महत्या केली होती. त्यांच्या आत्महत्येने राजकीय वर्तुळात एकच खळबळ उडाली होती. याप्ररकरणी पोलिसांनी ॲडव्होकेट नीलिमा सावंत ऊर्फ चव्हाणवर गुन्हा दाखल केला आहे. मात्र, पोलीस तपासावेळी सुधीर मोरे यांच्या निकटवर्तीयांनी नोंदवलेल्या जबाबातून रंजक माहिती समोर आली आहे. याशिवाय, गुरुवारी रात्री घाटकोपर रेल्वे स्थानकातील सीसीटीव्ही फुटेज तपासल्यानंतर सुधीर मोरे शेवटपर्यंत सतत फोनवर बोलत असल्याचे स्पष्ट झाले आहे. ते फोनवर नीलिमा सावंत ऊर्फ चव्हाण यांच्याशीच बोलत असावेत, असा संशय आहे.
रेल्वे पोलिसांनी नुकताच सुधीर मोरे यांचा भाऊ, मुलगा आणि भावजय असलेल्या स्नेहल मोरे यांचा जबाब नोंदवला. यावेळी सुधीर मोरे यांना गेल्या काही महिन्यांपासून नीलिमा सावंत ब्लॅकमेल करत असल्याचे त्यांनी सांगितले. घाटकोपर स्थानकातील सीसीटीव्ही फुटेजमध्ये सुधीर मोरे फोनवर बोलताना दिसत आहेत. ते विक्रोळी पार्कसाईट येथून घाटकोपरला येईपर्यंत फोनवरच बोलत होते. याच फोन कॉलमुळे सुधीर मोरे यांनी आत्महत्या केली, असावी असा संशय पोलिसांना आहे. यानंतर पोलीस नीलिमा सावंत यांच्या घरीही गेले होते. मात्र, त्यांनी अलीकडेच हे घर सोडल्याचे पोलिसांना समजले. नीलिमा सावंत यांचे वडील माजी आमदार होते. सध्या त्या एका शासकीय समितीवर असल्याचीही माहिती समोर आली आहे.
रेल्वे पोलिसांनी नुकताच सुधीर मोरे यांचा भाऊ, मुलगा आणि भावजय असलेल्या स्नेहल मोरे यांचा जबाब नोंदवला. यावेळी सुधीर मोरे यांना गेल्या काही महिन्यांपासून नीलिमा सावंत ब्लॅकमेल करत असल्याचे त्यांनी सांगितले. घाटकोपर स्थानकातील सीसीटीव्ही फुटेजमध्ये सुधीर मोरे फोनवर बोलताना दिसत आहेत. ते विक्रोळी पार्कसाईट येथून घाटकोपरला येईपर्यंत फोनवरच बोलत होते. याच फोन कॉलमुळे सुधीर मोरे यांनी आत्महत्या केली, असावी असा संशय पोलिसांना आहे. यानंतर पोलीस नीलिमा सावंत यांच्या घरीही गेले होते. मात्र, त्यांनी अलीकडेच हे घर सोडल्याचे पोलिसांना समजले. नीलिमा सावंत यांचे वडील माजी आमदार होते. सध्या त्या एका शासकीय समितीवर असल्याचीही माहिती समोर आली आहे.
माजी नगरसेविका स्नेहल मोरे यांनी दिलेल्या माहितीनुसार, आम्हाला काही महिन्यांपूर्वी नीलिमा सावंत या सुधीर मोरे यांना त्रास देत असल्याचे समजले. काही दिवसांपूर्वीच सुधीर मोरे यांच्या मणक्याची शस्त्रक्रिया झाली होती. त्यामुळे डॉक्टरांनी त्यांना घरीच आराम करण्याचा सल्ला दिला होता. फोन आल्यानंतर ते लाऊडस्पीकर ऑन करुन बोलत असत. नीलिमा सावंत या अनेकदा त्यांना फोन करायच्या. त्यांच्या एका संभाषणादरम्यान आम्हाला असे समजले की, नीलिमा सावंत यांना माझ्या विक्रोळी पार्कसाईट येथील प्रभागातून नगरसेवकपदाची निवडणूक लढवायची होती. त्यासाठी नीलिमा सावंत या सुधीर मोरे यांच्यावर दबाव आणत होत्या, असा आरोप स्नेहल मोरे यांनी केला.
Sudhir More: माजी आमदाराच्या मुलीकडून ब्लॅकमेलिंग, शिवसैनिक सुधीर मोरे मृत्यूप्रकरणात महत्त्वाची अपडेटयाशिवाय, सुधीर मोरे यांनी खरोखरच आत्महत्या केली का, याचाही तपास करावा, अशी मागणी स्नेहल मोरे यांनी केली. सुधीर मोरे यांच्यासारखा व्यक्ती आत्महत्या करू शकतो, यावर अनेकांचा विश्वासच बसत नाही, असे त्यांनी म्हटले. मात्र, रेल्वे पोलिसांनी सुधीर मोरे यांचा मृत्यू घातपाती असल्याची शक्यता फेटाळून लावली. सुधीर मोरे यांनी पश्चिम दिशेने घाटकोपर रेल्वे स्थानकात प्रवेश केला तेव्हा ते एकटे होते. ते फलाट क्रमांक एकवरुन आतमध्ये आले आणि ब्रीज चढून प्लॅटफॉर्म क्रमांक दोनवर गेले. त्यानंतर ते एकटेच चालत प्लॅटफॉर्म क्रमांक दोनच्या शेवटाला गेले आणि तिथून रेल्वे ट्रॅकवर उतरले, हे सीसीटीव्ही फुटेजमध्ये स्पष्ट दिसत असल्याची माहिती रेल्वे पोलिसांनी दिली.