घरोघरी सर्वेक्षण, फवारणी

डेंग्यू रुग्णांच्या संख्येत झपाट्याने वाढ झाल्याने खडबडून जागे झालेल्या महापालिकेकडून आता घरांचे सर्वेक्षण करण्यात येत आहे. यात घरांमध्ये किंवा परिसरात कुठे पाणी साचलेले आहे का, याची पाहणी करून त्यात औषध फवारणी करण्यात येत आहे. तसेच पाणी जमा असलेली भांडी रिकामी करून डासोत्पतीची स्थळे प्रतिबंधित करण्यात येत आहेत.

तपासणी किटचा तुटवडा

मेडिकल, मेयो आणि महापालिकेतील प्रयोगशाळेत सध्या डेंग्यू तपासणीच्या किटचा तुटवडा निर्माण झाला आहे. यावर महापालिकेकडून कुठल्याही उपाययोजना करण्यात आलेल्या नाहीत. त्यामुळे रुग्णांना खासगी प्रयोगशाळांमधून तपासणी करावी लागत आहे. खासगी प्रयोगशाळेत ८०० ते १,२०० रुपये आकारण्यात येतात. विशेष म्हणजे या तपासणीची किट १०० ते २०० रुपयांना मिळत असतानाही इतक्या मोठ्या प्रमाणात शुल्क आकारण्यात येत असल्याचे चित्र सध्या शहरात आहे. दुसरीकडे, महापालिकेचे रुग्णालय व आरोग्य केंद्रांमध्ये औषध व सोयीसुविधांच्या अभावामुळे रुग्णांना अनेक अडचणींना तोंड द्यावे लागत आहे.
राज्याची चिंता वाढली! मलेरिया अन् डेंग्यूच्या तापासह या आजारानी वाढवलं टेन्शन
दृष्टिक्षेपात…

(१ जानेवारी ते ३१ ऑगस्ट २०२३)
-डेंग्यू संशयित : ३,७१७
-एकूण पॉझिटिव्ह : ३३५
-घरांचे सर्वेक्षण : १,२३,३१४
-लारवा आढळलेली घरे : ३,०६३
-नोटीस : ३०८