शरद पवार यांना दोन वेळा पंतप्रधान बनण्याची संधी होती मात्र त्यांनी ती घालवली, ते फार हुशार माणूस असून ते जनतेची सेवा करू शकले असते. मात्र आत त्यांचे वय झाले आहे त्यांनी आता निवृत्ती घ्यावी, असा थेट सल्ला सायरस पुनावाला यांनी दिला आहे. त्यामुळे आता राज्यात शरद पवार यांची निवृत्ती पुन्हा चर्चेत आली आहे.

तत्पूर्वी शरद पवारांची पुतणे आणि राज्याचे उपमुख्यमंत्री अजित पवार यांनी राष्ट्रवादी काँग्रेसमधून बंडखोरी करत भाजप आणि शिंदे सरकारमध्ये सहभागी झाले होते त्यावेळी अजित पवार देखील म्हणाले होते की, वय झाले आता त्यांनी थांबावे . त्यानंतर त्यांना राज्यभरातून राष्ट्रवादीचे पदाधिकारी तथा कार्यकर्त्यांच्या रोषाचा सामना करावा लागला होता. आता तर पवारांचे वर्गमित्र असलेले पूनावाला यांनीच पवारांना निवृत्तीचा दिला आहे. त्यामुळे आता शरद पवार या सल्ल्याकडे कसे पाहतात हे पाहणे महत्वाचे ठरणार आहे.