‘समोरच्या लोकांना भाषण ऐकायला जाईल, अशी स्पीकरची रचना होती. भुजबळ यांनी पवार साहेबांवर काय टीका केली, याची मला कल्पना नव्हती. यासंदर्भातल्या बातम्या मी नंतर वाचल्या. भावना दुखावल्या जाणार नाही, याची काळजी घेऊन प्रत्येक नेत्याने योग्य भाषेत भूमिका मांडली पाहिजे. विचार वेगळे असले तरी भाषेची पातळी आणि सुसंस्कृत राजकारण कोणीही सोडू नये, असे सांगून अजितदादांनी वेळ मारून नेली.

दरम्यान, ‘राज्यात दुष्काळसदृश परिस्थिती निर्माण झाली आहे. खरीप पीक शेतकऱ्यांच्या हातून गेले आहे. शेतकऱ्यांना मदत देण्यासाठी नियोजन सुरू आहे. कृत्रिम पावसाचा प्रयोग अनेकवेळा करण्यात आला तरी म्हणावे तसे यश आलेले नाही. पावसाचा अंदाज घेऊन नियोजन करण्यात येईल,’ असंही अजित पवार म्हणाले.