सिंधुदुर्ग: सिंधुदुर्गातल्या झाराप येथे दुर्दैवी घटना घडली आहे. नऊ वर्षीय बालकाचा दुर्दैवी मृत्यू झाला आहे. त्यामुळे गावामध्ये शोककळा पसरली आहे. जीवदान या शाळेत इयत्ता तिसरीत शिकणारा मुलगा साहिल नूर महंमद शेख (वय ९ रा. पिंगुळी गोंधयाळे) याचा फिश टँकमध्ये पडून दुर्दैवी मृत्यू झाला आहे. ही घटना शनिवारी सायंकाळी ६ वाजता घडली आहे.
कुडाळ तालुक्यातील झाराप येथील जीवदान या विशेष शाळेत साहिल नूर महंमद शेख हा शिक्षण घेत होता. मात्र, तो काही वेळासाठी शाळेच्या आवारामध्ये दिसून आला नाही. म्हणून मुख्याध्यापक यांनी शोध घेतला असता तो फिश टॅंकमध्ये पडलेला आढळून आला. त्याला बाहेर काढलं मात्र तोपर्यंत त्याचा मृत्यू झालेला होता.
कुडाळ तालुक्यातील झाराप येथील जीवदान या विशेष शाळेत साहिल नूर महंमद शेख हा शिक्षण घेत होता. मात्र, तो काही वेळासाठी शाळेच्या आवारामध्ये दिसून आला नाही. म्हणून मुख्याध्यापक यांनी शोध घेतला असता तो फिश टॅंकमध्ये पडलेला आढळून आला. त्याला बाहेर काढलं मात्र तोपर्यंत त्याचा मृत्यू झालेला होता.
दरम्यान, शनिवारी सायंकाळी या शाळेच्या मुख्याध्यापकांनी वडील नूर महंमद शेख यांना तुमचा मुलगा फिश टँकच्या पाण्यात पडला आहे, असे सांगितले. त्याच्या वडिलांनी तात्काळ घटनास्थळी धाव घेतली. यावेळी पाण्यात शोध घेतला असता त्याचा मृतदेह पाण्याच्या तळाशी सापडून आला. यानंतर त्याला पाण्याच्या बाहेर काढले. मात्र, त्याचा पाण्यामध्ये गुदमरून मृत्यू झाला होता. फिश टॅंकमध्ये जाण्याआधी या मुलाने आपले कपडे फिश टँकच्या बाहेर काढून ठेवले.
फिश टँकच्या भोवती असलेल्या लोखंडी जाळीचा दरवाजा उघडून त्याने आत प्रवेश केला आणि यानंतर तो या फिश टँकच्या पाण्यात पडला, अशी माहिती मुख्याध्यापक यांनी वडिलांना दिल्याचं वडिलांनी कुडाळ पोलिसांना सांगितले. यावेळी घटनास्थळी कुडाळ पोलिस निरीक्षक रूणाल मुल्ला, महिला पोलिस ममता जाधव, पोलिस सुबोध मळगांवकर यांनी भेट देत पंचनामा केला. यावेळी उपविभागीय पोलिस अधिकारी संध्या गावडे यांनीही घटनास्थळी भेट दिली.