म. टा. प्रतिनिधी, मुंबई : मुंबई आणि उपनगरांच्या रेल्वे स्थानकांत प्रवाशांची वर्दळ मोठ्या प्रमाणात असते. अनेकदा रेल्वे स्थानकांत प्रवाशांखेरीज विनातिकीट फिरणारे प्रवासी स्थानकांतील गर्दीत भर घालतात. अनेकदा अशा गर्दीमुळे कायदा-सुव्यवस्थेचा प्रश्न उपस्थित होतो. यामुळे तिकीट-पासधारक प्रवाशांना सुरक्षित प्रवास करता यावा, यासाठी फलाटांवर विनातिकीट वावरणाऱ्या प्रवाशांवर मुंबई रेल्वे पोलिसांनी कारवाई सुरू केली आहे.
रेल्वे स्थानकावर महिला अत्याचारांच्या घटना रोखण्यासह अन्य सर्व प्रक्रारच्या गुन्हेगारीवर नियंत्रण ठेवण्यासाठी रेल्वे पोलिसांकडून विविध उपक्रम राबवण्यात येतात. यामध्ये रेल्वे सुरक्षा दल, स्थानिक रेल्वे अधिकारी यांना विश्वासात घेऊन रेल्वे पोलिसांकडून कारवाई करण्याची उपाययोजना हाती घेण्यात आली आहे. गुरुवारी डोंबिवली स्थानकात तिकीट काढून किंवा तिकीट न काढता रेल्वे फलाटावर तासन् तास बसणाऱ्यांवर कारवाई करण्यात आली. या कारवाईमागे रेल्वे स्थानकांत अनुचित घटना टाळण्यासाठी घेण्यात येणारी खबरदारी हाच उद्देश असल्याची भूमिका रेल्वे पोलिसांनी मांडली आहे.
रेल्वे स्थानकावर महिला अत्याचारांच्या घटना रोखण्यासह अन्य सर्व प्रक्रारच्या गुन्हेगारीवर नियंत्रण ठेवण्यासाठी रेल्वे पोलिसांकडून विविध उपक्रम राबवण्यात येतात. यामध्ये रेल्वे सुरक्षा दल, स्थानिक रेल्वे अधिकारी यांना विश्वासात घेऊन रेल्वे पोलिसांकडून कारवाई करण्याची उपाययोजना हाती घेण्यात आली आहे. गुरुवारी डोंबिवली स्थानकात तिकीट काढून किंवा तिकीट न काढता रेल्वे फलाटावर तासन् तास बसणाऱ्यांवर कारवाई करण्यात आली. या कारवाईमागे रेल्वे स्थानकांत अनुचित घटना टाळण्यासाठी घेण्यात येणारी खबरदारी हाच उद्देश असल्याची भूमिका रेल्वे पोलिसांनी मांडली आहे.
डोंबिवली रेल्वे स्थानकात विनातिकीट प्रवास करणाऱ्या २५ प्रवाशांवर डोंबिवली रेल्वे पोलिसांनी दंडात्मक कारवाई केली आहे. प्रवाशांकडून एकूण ६ हजारांहून अधिक दंड वसूल केला आहे. त्याचबरोबर पुन्हा रेल्वे स्थानकात विनातिकीट आणि प्रवासाशिवाय वावरल्यास अधिक कठोर कारवाई करण्यात येणार आहे, असे डोंबिवली रेल्वे पोलिस ठाण्याचे वरिष्ठ पोलिस अधिकाऱ्याने सांगितले.
१७ पोलिस ठाण्यांना कारवाईच्या सूचना
छत्रपती शिवाजी महाराज टर्मिनस, मुंबई रेल्वे स्थानकात रोज लाखो प्रवाशांची वर्दळ असते. यामुळे प्रवाशांच्या सुरक्षिततेसह स्थानकात कायदा आणि सुव्यवस्था राखण्यासाठी रेल्वे पोलिसांकडून विविध उपाययोजनावर काम सुरू असते. आवश्यकतेनुसार यात रेल्वे सुरक्षा दल आणि रेल्वे प्रशासनाचाही सहभाग असतो. डोंबिवलीतील विनातिकीट प्रवाशांवरील कारवाई ही स्थानकातील गर्दीवर नियंत्रण मिळवून प्रवाशांना सुरक्षित प्रवास करता यावा, यासाठी आहे. मुंबई लोहमार्ग पोलिस हद्दीतील सर्व अर्थात १७ पोलिस ठाण्यांना अशा पद्धतीने कारवाई करण्याच्या सूचना देण्यात आल्या आहेत, अशी माहिती मुंबई रेल्वे पोलिस आयुक्त डॉ. रवींद्र शिसवे यांनी दिली आहे.
डोंबिवलीत कारवाई का?
मध्य रेल्वेवरील पाच गर्दीच्या स्थानकांत डोंबिवलीचा क्रमांक पाचवा लागतो. डोंबिवलीतून रोज सरासरी दोन लाख ७२ हजार ३८४ प्रवासी प्रवास करतात. सीएसएमटी (११,०९,४०९), ठाणे (४,७३,६३०), कल्याण ( ३,७१,०८१) आणि घाटकोपर (३,३००,९९) अशी स्थानके क्रमाने डोंबिवलीच्या पुढे आहेत. मात्र कारवाई सर्वप्रथम डोंबिवली स्थानकात करण्यात आली आहे. त्यामुळे प्रवाशांमध्ये या कारवाईविषयी प्रश्नचिन्ह आहे.
रेल्वे स्थानकांत मोफत वाय-फाय सुविधा उपलब्ध आहे. यामुळे काही रिकामटेकडे नागरिक स्थानकांवर येतात. स्थानकांचा वापर केवळ प्रवाशांनीच करावा आणि रेल्वे पोलिसांच्या कारवाईचे प्रवासी संघटनाकडून स्वागत करण्यात येत आहे.- नंदकुमार देशमुख, अध्यक्ष, उपनगरी रेल्वे प्रवासी एकता महासंघ