मुंबई-पुणे महामार्गावरील खाडीवरील जुना पूल हा सन १९७१ मध्ये बांधण्यात आला होता. त्यानंतर दुसरा पूल सन १९९५ मध्ये बांधण्यात आला. आता दोन मार्गिकांच्या तिसऱ्या खाडीपुलाचे काम प्रगतिपथावर आहे. त्यातील एक मार्गिका मे २०२४ मध्ये तर, दुसरी मार्गिका सप्टेंबर २०२४ मध्ये वाहतुकीसाठी सज्ज होईल. सध्या दोन ठाणे खाडीपुलांवर सहा मार्गिका आहेत. तिसऱ्या खाडीपुलाचे काम पूर्ण झाल्यास हा संपूर्ण रस्ता १२ पदरी होणार आहे. या माध्यमातून वाहतूक सुरळीत होण्यास मदत होणार आहे, असे भुसे यांनी यावेळी प्रसारमाध्यमांना सांगितले. ठाण्यातील साकेत पुलावरील नादुरुस्ती संदर्भात संबंधित विभागाला कळविण्यात आले असून कार्यवाही करण्यात येईल, असेही त्यांनी यावेळी सांगितले.