म. टा. प्रतिनिधी, नागपूर : नागपूर विमानतळावर महसूल गुप्तचर संचालनालयाने (डीआरआय) एअर अरेबियाच्या विमानातून आलेल्या एका सोनेतस्कराला अटक केली. तसेच त्याने पार्श्वभागात लपवून आणलेले ७३४.५६ ग्रॅम सोने जप्त करण्यात आले आहे. सचिन चांदोस्कर असे आरोपीचे नाव असून तो ठाणे जिल्ह्यातील उल्हासनगरचा रहिवासी आहे.
गुप्त माहितीच्या आधारे डीआरआयने ही कारवाई केली. आरोपीने पेस्ट स्वरूपात सोने लपवून आणले होते. जप्त केलेल्या सोन्याची किंमत ३० लाखांहून अधिक आहे. शारजाह येथून येणाऱ्या एअर अरेबियाच्या फ्लाइटमध्ये सोन्याची तस्करी होत असल्याची माहिती डीआरआयला मिळाली. त्यानुसार एजन्सीने नागपूर विमानतळावर सापळा रचला. प्रवाशांची बाहेर पडताना तपासणी करण्यात आली. त्यादरम्यान एका प्रवाशाच्या चालण्याच्या हालचालीवरून अधिकाऱ्यांना संशय आला.
गुप्त माहितीच्या आधारे डीआरआयने ही कारवाई केली. आरोपीने पेस्ट स्वरूपात सोने लपवून आणले होते. जप्त केलेल्या सोन्याची किंमत ३० लाखांहून अधिक आहे. शारजाह येथून येणाऱ्या एअर अरेबियाच्या फ्लाइटमध्ये सोन्याची तस्करी होत असल्याची माहिती डीआरआयला मिळाली. त्यानुसार एजन्सीने नागपूर विमानतळावर सापळा रचला. प्रवाशांची बाहेर पडताना तपासणी करण्यात आली. त्यादरम्यान एका प्रवाशाच्या चालण्याच्या हालचालीवरून अधिकाऱ्यांना संशय आला.
डीआरआयने त्याला तत्काळ ताब्यात घेऊन त्याची झडती घेतली. झडतीदरम्यान त्याने लपवून ठेवलेले पेस्ट स्वरूपातील ७४३.५६ ग्रॅम सोने सापडले. डीआरआयने आरोपीचा पासपोर्ट जप्त केला असून पुढील चौकशी सुरू आहे.
वारंवार केला दुबई प्रवास
सचिन चांदोस्कर याची ‘ट्रॅव्हल हिस्ट्री’ तपासल्यानंतर तो दुबईहून अनेकवेळा भारतात आल्याचे आढळून आले आहे. मात्र, शारजाहहून तो प्रथमच नागपुरात आला असल्याची माहिती आहे. गेल्या काही दिवसांमध्ये नागपूर विमानतळावर सोनेतस्करीच्या घटनांमध्ये वाढ झाली आहे. आठवड्याभरापूर्वीच सीमाशुल्क विभागाने एका सोनेतस्कराला अटक केली होती. त्यानंतर ही घटना घडली आहे.