मुंबई : मुंबईतील सायन रेल्वे स्थानकात महिलेला धक्का लागल्याच्या कारणावरुन दाम्पत्याने एका तरुणाला मारहाण केली होती. मारहाणीत तोल जाऊन रेल्वे रुळांवर पडल्यानंतर वर येऊ शकण्याआधीच लोकल ट्रेनने तरुणाला धडक दिली आणि त्याचा मृत्यू झाला. या घटनेत मृत्युमुखी पडलेला दिनेश राठोड हा तरुण मूळ वाशिमचा असून आपल्या मुलाची हत्या झाल्याची उद्विग्न प्रतिक्रिया कुटुंबीयांनी दिली आहे. एकाही बघ्याने आमच्या मुलाला मदतीचा हात का नाही दिला? असा संतप्त सवाल राठोड कुटुंबीयांनी विचारला आहे.
दिनेश देवराव राठोड (रा. किनखेड, ता. कारंजा लाड, जि. वाशिम) असं या दुर्दैवी घटनेत मृत्युमुखी पडलेल्या २६ वर्षीय तरुणाचं नाव आहे. तो मुंबईत बेस्ट बसचा वाहक म्हणून नोकरी करत होता. दिनेशच्या घरची परिस्थिती खूपच नाजूक आहे. कुटुंबाचा आर्थिक भार मुलावरच होता.
दिनेश देवराव राठोड (रा. किनखेड, ता. कारंजा लाड, जि. वाशिम) असं या दुर्दैवी घटनेत मृत्युमुखी पडलेल्या २६ वर्षीय तरुणाचं नाव आहे. तो मुंबईत बेस्ट बसचा वाहक म्हणून नोकरी करत होता. दिनेशच्या घरची परिस्थिती खूपच नाजूक आहे. कुटुंबाचा आर्थिक भार मुलावरच होता.
कुटुंबीयांचा संताप
“दिनेश राठोड १३ ऑगस्टला नोकरीवरुन नवी मुंबईतील घणसोली येथे राहत असलेल्या घरी येत होता. सायन रेल्वे स्थानकावर घरी येण्यासाठी तो लोकल रेल्वेची वाट बघत होता. यावेळी काही जणांनी त्याचा मर्डर केला. सर्व प्रकार हा तिथल्या सीसीटीव्ही कॅमेरात रेकॉर्ड झालेला आहे. आरोपीला दादर रेल्वे पोलिसांनी अटक केली आहे. आम्हाला योग्य तो न्याय मिळावा” अशी विनंती त्याच्या कुटुंबीयांनी केली आहे.
“प्लॅटफॉर्मवरील सहप्रवासी या घटनेचे मूक साक्षीदार होते. सीसीटीव्ही फुटेजमध्ये स्पष्टपणे दिसून आले आहे की बघे जमा झाले, पण दिनेशला पकडण्याऐवजी आणि त्याला प्लॅटफॉर्मवर मागे खेचण्याऐवजी त्यांनी फक्त पाहणे पसंत केले” असं दिनेशचा चुलत भाऊ सुरेश राठोड म्हणाला.
I am very much safe! ज्या नर्मदेवरुन सना खानने केलेलं फेसबुक लाईव्ह, त्याच नदीत आता बॉडी
शुक्रवारी सुरेशने काही नातेवाईकांसह दादर जीआरपी चौकीला भेट देऊन दिनेशच्या मृत्यू प्रकरणाची सखोल चौकशी करण्याची मागणी केली. “आम्हाला जाणून घ्यायचे आहे की हे जोडपे दिनेशसोबत इतके हिंसक का झाले? इतकाच आक्षेप होता, तर त्याला मारहाण करण्याऐवजी त्यांनी पोलिसांना बोलावले असते,” असे एका नातेवाईकाने सांगितले.
बेस्ट बस कंडक्टर असलेला दिनेश घणसोली येथे लहान भाऊ आणि बहिणीसोबत राहत होता. त्यांचे पालक वाशिम जिल्ह्यात राहतात. “बेस्टने त्याला नुकतेच कायमस्वरूपी कर्मचारी बनवले होते. त्याचे कुटुंबीय त्याच्या लग्नासाठी स्थळ शोधत होते आणि पुढच्या वर्षी त्याने लग्न करावे अशी त्यांची इच्छा होती. त्याने एक कारही बुक केली होती,” असे आणखी एका नातेवाईकाने सांगितले.
ऐश्वर्या तूही ये पोहायला; धरणाच्या पाण्याचा अंदाज चुकला, पुण्यातील बापलेकीचा बुडून मृत्यू
दिनेशचे बहुतांश नातेवाईक मानखुर्द येथे राहतात. योगायोगाने आरोपी दाम्पत्य राहत असलेल्या ठिकाणापासून फार लांब नाही. “दिनेशने आमच्यासोबत मानखुर्दमध्ये बराच वेळ घालवला. आमच्याकडे एक लहान बाळ आहे आणि दिनेशला बाळांसोबत खेळायला खूप आवडायचं. घटनेच्या दिवशी, १३ ऑगस्टला तो कामावर जाण्यापूर्वी बाळासोबत खेळायला सकाळी आमच्याकडे आला होता. ही त्याची शेवटची भेट असेल, अशी कल्पनाही कोणी केली नव्हती” असं त्याचा चुलत भाऊ गणेश राठोड म्हणाला. दिनेशच्या मृत्यूची माहिती मिळाल्यानंतर त्याचे पालक अस्वस्थ झाले आहेत.
माहीम-माटुंगा पट्ट्यातील एका बस डेपोमध्ये दिनेश काम करत होता. १३ ऑगस्ट रोजी काम आटोपून घरी जाण्यासाठी ट्रेन पकडायला रात्री ९ वाजताच्या सुमारास तो सायन स्टेशनवर गेला होता. या दाम्पत्याशी झालेल्या भांडणाच्या तासाभरापूर्वी तो धाकट्या भावाशी फोनवरून बोलले होते. रात्री दहा वाजताच्या सुमारास त्याच्या कुटुंबीयांना पोलिसांकडून फोन आला. ट्रेनने धडक दिल्याने दिनेश गंभीर जखमी झाला आहे, असे त्यांना सांगण्यात आले. दिनेशच्या नातेवाईकांनी त्याच्या पालक आणि भावंडांसाठी रेल्वेकडून आर्थिक नुकसान भरपाई मागितली आहे.
पाहा सीसीटीव्ही फूटेज
दिनेशवर १५ ऑगस्ट रोजी त्याच्या मूळगावी अंत्यसंस्कार करण्यात आले. त्याच्या मागे आई , बहीण, दोन लहान भाऊ असा मोठा परिवार आहे. दिनेशचं बि ए पर्यंतचे शिक्षण झाले होते. अत्यंत मनमिळावू असलेल्या दिनेशची कोणतीही चूक नसतांना त्याला प्राणास मुकावे लागल्याने गावात हळहळ व्यक्त केली जातेय.