अमरापूर: श्री क्षेत्र अमरापूर येथील रेणुकामाता मंदिरात धाडसी चोरी शेवगाव तालुक्यातील अमरापूर येथील रेणुकामाता मंदिरात चोरट्यांनी धाडसी चोरी केल्याची घटना आज पहाटे समोर आली आहे. चोरीची माहिती कळताच शेवगाव पोलिस आणि ठसे तज्ञ घटनास्थळी दाखल झाले. मंदिर व मंदिर परिसरात लावण्यात आलेल्या सीसीटीव्हीमध्ये चोरटे कैद झाले आहेत. रेणुकामाता देवीच्या अंगावरील सोन्या-चांदीची दागिने असा मोठा ऐवज चोरीला गेल्याची प्राथमिक माहिती आहे.
अमरापूर येथील रेणुकामाता मंदिरात चोरी झाल्याने चोरट्यांनी मंदिरे लक्ष केल्याचे समोर आले आहे. मंदिरातील चोरीच्या घटनांचा तपास लावण्याचे मोठे आव्हान पोलिसांसमोर उभे राहिले आहे.
अमरापूर येथील रेणुकामाता मंदिरात चोरी झाल्याने चोरट्यांनी मंदिरे लक्ष केल्याचे समोर आले आहे. मंदिरातील चोरीच्या घटनांचा तपास लावण्याचे मोठे आव्हान पोलिसांसमोर उभे राहिले आहे.
घटनेची माहिती मिळताच पोलिस उपविभागीय अधिकारी सुनील पाटील, पर्यविक्षाधीन सहा. पोलिस अधिक्षक बी. चंद्रकांत रेड्डी, स्थानिक गुन्हे अन्वेषण पोलिस निरीक्षक दिनेश आहेर यांच्यासह पोलिस पथक आणि ठसे तज्ञ घटनास्थळी दाखल झाले आहेत.
मंदिरातील सीसीटीव्ही कॅमेरांची चित्रफित तपासली असता यात दोन चोरटे कैद झाल्याचे दिसून आले. मंदिराच्या बाहेरील ग्रिलचे कुलूप तोडून चोरट्यांनी आत प्रवेश केला नंतर गाभाऱ्याच्या दरवाजाचे कुलूप तोडले व मुर्तीच्या अंगावरील सोने चांदीचे दागीने, व इतर वस्तू चोरून नेले आहेत. विशेष म्हणजे येथे पाच रक्षक रात्रीच्या गस्तीस होते, त्यांनाही याची माहिती झाली नाही. शुक्रवारी सकाळी पुजारी मंदिरात जाताच त्यांना घटना निदर्शनास आली. हा प्रकार शुक्रवारी पहाटे झाला असून पोलिसांनी आरोपीच्या अटकेसाठी तपास चक्रे फिरवली आहेत.