पिंपरी : पिंपरी चिंचवड परिसरातील चिंचवड रेल्वे स्थानकाजवळील विहिरीत एक मृतदेह पोलिसांना कुजलेल्या अवस्थेत आढळला होता. या मृतदेहाचा शोध लावण्यात पोलिसांना यश आले आहे. मित्रांचा वाद झाल्याने दोघांनी त्यांच्या शरीरावर धारधार हत्याराने वार करून त्याचा खून झाला असल्याचे तपासात उघड झाले आहे. शनिवारी हा मृतदेह सापडला होता. पोलिसांनी या घटनेचा तपास करून आरोपींना ताब्यात घेतले आहे.
अभिषेक उर्फ डल्या गायकवाड (वय २०) याच्यासह दोन मुलांविरोधात गुन्हा दाखल असून त्यांना ताब्यात घेण्यात आले आहे. गणेश ऊर्फ दादया रोकडे (वय १८) असे खून झालेल्याचे नाव आहे. याबाबत गणेश रोकडे याच्या आईने फिर्याद दिली आहे.
अभिषेक उर्फ डल्या गायकवाड (वय २०) याच्यासह दोन मुलांविरोधात गुन्हा दाखल असून त्यांना ताब्यात घेण्यात आले आहे. गणेश ऊर्फ दादया रोकडे (वय १८) असे खून झालेल्याचे नाव आहे. याबाबत गणेश रोकडे याच्या आईने फिर्याद दिली आहे.
याबाबत पोलिसांनी दिलेली माहिती अशी की, बुधवार (दि. ९) रोजी गणेश रोकडे, डल्या गायकवाड आणि विधीसंघर्षीत बालक हे चिंचवड स्टेशन परिसरात दारू पित बसले होते. मात्र दारू पित असताना त्यांच्यात जोरात वाद झाला. या वादाचे रुपांतर हाणामारीत झाले. त्यानंतर विधी संघर्षीत मुलगा व डल्या गायकवाड यांनी गणेश रोकडे याच्यावर शरीरावर हत्याराने सपासप वार केले. यात गणेश रोकडे हा गंभीर जखमी झाल्याने त्याचा जागेवरच मृत्यू झाला. त्यानंतर या आरोपींनी त्याला रेल्वे स्थानक परिसरात असणाऱ्या मोकळ्या विहिरीत रोकडे याचा मृतदेह फेकून दिला.
चिंचवड रेल्वे स्थानकाजवळील विहिरीत एक मृतदेह असल्याची माहिती चिंचवड पोलिसांना शनिवारी मिळाली होती. मृतदेहाच्या शरीरावर वार असल्याच्या खूना असल्याचे पोलिसांच्या निदर्शनास आले. त्यावरून पोलिसांनी खून झाल्याचा अंदाज बांधला. त्यानुसार तपास करणास सुरुवात केली. पोलिसांनी तपास करून त्याच्या मित्रांना ताब्यात घेतले. त्यांनीच खून केल्याचे तपासात उघड झाले आहे.