म. टा. प्रतिनिधी, पिंपरी : पिंपरी-चिंचवड महापालिकेच्या अग्निशमन विभागाच्या ताफ्यात नव्याने १८ अत्याधुनिक वाहने दाखल होणार आहेत. त्यासाठी ११३ कोटी रुपये खर्च होणार असून, अग्निशमन बंबासह रेस्क्यू व्हॅन, वॉटर टेंडर अशा वाहनांचा यामध्ये समावेश आहे.
शहराची लोकसंख्या तीस लाखांच्या आसपास असून, शहर १८१ चौरस किलोमीटर क्षेत्रफळात वसले आहे. शहरात सर्वत्र टोलेजंग इमारती उभ्या राहत आहेत. त्यामुळे दाट लोकवस्तीचा भाग वाढला आहे. दुसरीकडे लोकवस्त्या व औद्योगिक भागात सातत्याने लहान-मोठ्या आगीच्या व इतर दुर्घटना घडत आहेत. अग्निशमन केंद्रांची मर्यादित संख्या, अपुरे मनुष्यबळ, अत्याधुनिक बंब व वाहनांचा अभाव यामुळे आगीच्या घटनांवर नियंत्रण आणताना अडचणी येतात. सरकारने नव्याने एकत्रित विकास नियंत्रण नियमावली २०२०मध्ये इमारतीची उंची अमर्यादित केली आहे. यामुळे शहरात ४० मजल्यांपेक्षा अधिक उंच इमारती उभ्या राहणार आहेत. अशा इमारतींमध्ये आगीसारखे प्रकार घडल्यास ती विझविण्यासाठी अग्निशमन विभागाकडे अद्ययावत अग्निशमन बंब व वाहने उपलब्ध असणे आवश्यक आहे.
शहराची लोकसंख्या तीस लाखांच्या आसपास असून, शहर १८१ चौरस किलोमीटर क्षेत्रफळात वसले आहे. शहरात सर्वत्र टोलेजंग इमारती उभ्या राहत आहेत. त्यामुळे दाट लोकवस्तीचा भाग वाढला आहे. दुसरीकडे लोकवस्त्या व औद्योगिक भागात सातत्याने लहान-मोठ्या आगीच्या व इतर दुर्घटना घडत आहेत. अग्निशमन केंद्रांची मर्यादित संख्या, अपुरे मनुष्यबळ, अत्याधुनिक बंब व वाहनांचा अभाव यामुळे आगीच्या घटनांवर नियंत्रण आणताना अडचणी येतात. सरकारने नव्याने एकत्रित विकास नियंत्रण नियमावली २०२०मध्ये इमारतीची उंची अमर्यादित केली आहे. यामुळे शहरात ४० मजल्यांपेक्षा अधिक उंच इमारती उभ्या राहणार आहेत. अशा इमारतींमध्ये आगीसारखे प्रकार घडल्यास ती विझविण्यासाठी अग्निशमन विभागाकडे अद्ययावत अग्निशमन बंब व वाहने उपलब्ध असणे आवश्यक आहे.
तसेच, शहरात काही भागांमध्ये मोठ्या प्रमाणात पावसाचे पाणी भरत असल्याने, पूरजन्य परिस्थिती हाताळण्यासाठी विविध बोटींची, वाहनांची आवश्यकता आहे. या कारणांसाठी अशा वाहनांची खरेदी करण्यात येत असून, निविदा प्रक्रिया पूर्ण करण्यात आली आहे. त्यासाठी येणाऱ्या १३३ कोटी रुपयांच्या खर्चाच्या प्रस्तावाला सर्वसाधारण सभेची प्रशासकीय मान्यता मिळाल्याचे आयुक्त शेखर सिंह यांनी सांगितले.
शहरात आणखी १० अग्निशमन केंद्रांची गरज
महापालिकेचा अग्निशमन विभाग अत्यावश्यक सेवेंतर्गत येतो. शहरातील नागरिकांची जीवित व वित्त हानी टाळण्यासाठीचे काम अग्निशमन विभागामार्फत केले जाते. शहराच्या उपनगरांमध्ये मोठ्या संख्येने औद्योगिक, आयटी कंपन्या आहेत. नियमाप्रमाणे शहराच्या लोकसंख्येनुसार सद्यस्थितीत शहरात १८ अग्निशमन केंद्रे असणे गरजेचे आहे. मात्र, सद्य:स्थितीत पिंपरी-चिंचवड महापालिकेकडे केवळ आठ अग्निशमन केंद्रे आहेत. त्यामुळे आणखी दहा केंद्रे उभारण्याची गरज आहे.
वाहन प्रकार संख्या किंमत
फायर टेंडर ६ ~ २० कोटी ७० लाख
वॉटर टेंडर ३ ~ १६ कोटी १९ लाख
ॲडव्हान्स रेस्क्यू व्हॅन २ ~ १० कोटी ५९ लाख
७० मीटर एएलपी १ ~ २९ कोटी १४ लाख
३२ मीटर टीटीएल १ ~ २१ कोटी ६५ लाख
५४ मीटर टीटीएल १ ~ २५ कोटी ४८ लाख
फ्लड रेस्क्यू व्हॅन १ ~ १ कोटी ८४ लाख
बीए सेटर व्हॅन १ ~ २ कोटी ७७ लाख
डीसीपी टेंडर १ ~ १कोटी २३ लाख
वॉटर फोम टेंडर १ ~ २ कोटी ९७ लाख