वाहक आणि तिकीट तपासनीसांच्या अपुऱ्या मनुष्यबळामुळे विनातिकीट प्रवाशांचे मात्र फावत आहे. बेस्टच्या वाहतुकीच्या नियोजनात महत्त्वाची जबाबदारी असलेल्या सहायक वाहतूक अधिकाऱ्यांच्या १०८ रिक्त जागाही एक वर्षापासून भरण्यात आलेल्या नाहीत. सहाय्यक वाहतूक अधिकाऱ्यांवर बेस्ट बस मार्ग अन्यत्र वळवणे, एखाद्या रस्त्यावर गॅस गळती होणे, पावसाळ्यात पाणी साचणे किंवा झाड पडल्यास बस अन्य मार्गाने वळवण्याचा निर्णय घेणे आणि त्याची माहिती वरिष्ठ पदावरील अधिकाऱ्यांना सांगणे, तसेच वेगाने वाहन चालवल्याचे किंवा बस थांब्यावर बस न थांबल्याचे निदर्शनास आल्यास थांब्यावर उभ्या असलेल्या सहाय्यक वाहतूक निरीक्षकाकडून तशी नोंद केली जाते. या पदाच्या जागा रिक्त असल्याने ही जबाबदारी सहाय्यक वाहतूक अधिकारीच्या वरच्या पदावर असलेल्या वाहतूक अधिकाऱ्यावरच येत आहे. त्यामुळे कामाचा ताण आणखी वाढत असून दोन जबाबदाऱ्या सांभाळताना वाहतूक अधिकाऱ्यांची धांदल उडत आहे.
ठाण्यातील कळवा रुग्णालयाचा भोंगळ कारभार उघड; उपचारांअभावी एका दिवसात ५ मृत्यू
नव्या गाड्यांसाठी मनुष्यबळ कसे पुरणार?

येत्या काळात अडीच हजार एसी सिंगल डेकर बस आणि ८७४ एसी डबल डेकर बस बेस्टच्या ताफ्यात दाखल होणार आहेत. भाडेतत्त्वावर येणाऱ्या या बसवरही वाहकांची नेमणूक करावी लागणार आहे. तसेच तिकीट तपासनीस आणि सहायक वाहतूक अधिकाऱ्यांचेही मनुष्यबळ लागेल. त्यामुळे ही पदे भरणार कधी, असा प्रश्न उपस्थित होत आहे.