सातारा : प्रेम संबंधांमध्ये अडथळा ठरत असलेल्या व्यक्तीचा खून करून त्याच्या मृतदेहाची विल्हेवाट लावल्याची घटना उघडकीस आली आहे. याप्रकरणी तिघांना सातारा तालुका पोलिसांनी अटक केली आहे.
याबाबत पोलिसांनी दिलेली माहिती अशी, पाटखळ माथा (ता. सातारा) येथील कण्हेर डाव्या कालव्यात दि. ९ ऑगस्ट रोजी एका बेवारस पुरुषाचा मृतदेह आढळून आला होता. संबंधित मृतदेहाच्या अनुषंगाने तपास केला असता तो मृतदेह शरद मधुकर पवार याचा असल्याचे निष्पन्न झाले. पोलिसांनी याबाबत अधिक खोलात माहिती घेतली असता पवार हा वाई तालुक्यातील एका गावात राहणाऱ्या महिलेच्या प्रेम संबंधांमध्ये अडथळा आणत होता. तसेच पवार हा त्या महिलेस त्याने दिलेले उसने पैसे वारंवार मागत असल्याचे समजले.
याबाबत पोलिसांनी दिलेली माहिती अशी, पाटखळ माथा (ता. सातारा) येथील कण्हेर डाव्या कालव्यात दि. ९ ऑगस्ट रोजी एका बेवारस पुरुषाचा मृतदेह आढळून आला होता. संबंधित मृतदेहाच्या अनुषंगाने तपास केला असता तो मृतदेह शरद मधुकर पवार याचा असल्याचे निष्पन्न झाले. पोलिसांनी याबाबत अधिक खोलात माहिती घेतली असता पवार हा वाई तालुक्यातील एका गावात राहणाऱ्या महिलेच्या प्रेम संबंधांमध्ये अडथळा आणत होता. तसेच पवार हा त्या महिलेस त्याने दिलेले उसने पैसे वारंवार मागत असल्याचे समजले.
पाटखळ (ता. सातारा) येथील कण्हेर डाव्या कॅनॉलजवळ दि. ५ ऑगस्ट रोजी रात्री साडेआठ वाजण्याच्या सुमारास संबंधित महिला आणि इतर दोघांनी शरद मधुकर पवार (रा. खेड, ता. सातारा) याचा गळा आवळून तसेच कापडाने पाय बांधून मारहाण करत खून केला. यानंतर त्यांनी मृतदेह कण्हेर कालव्यामध्ये टाकून मृतदेहाची विल्हेवाट लावली. या प्रकरणी विजय सुरेश भोसले (वय २३, मूळ रा. भोसले मळा नागठाणे, ता. जि. सातारा सध्या रा. नेले पोस्ट किडगाव, ता. जि. सातारा), दादा जयराम बिचुकले (वय ४३, रा. बावधन ता. वाई, जि. सातारा, मनीषा दादा बिचुकले (वय २७, रा. बावधन, ता. वाई, जि. सातारा) अशी आरोपींची नावे आहेत
याबाबतची नोंद सातारा तालुका पोलीस ठाण्यात करण्यात आली होती. या गुन्ह्यातील तिघाही संशयितांना ताब्यात घेऊन त्यांच्याकडे चौकशी केली असता त्यांनी गुन्हा केल्याची कबुली दिली आहे. त्यानंतर त्यांना अटक करण्यात आली आहे.
दरम्यान, या कारवाईत पोलीस अधीक्षक समीर शेख, अपर पोलीस अधीक्षक बापू बांगर, सातारचे उपविभागीय पोलीस अधिकारी किरणकुमार सूर्यवंशी यांच्या मार्गदर्शनाखाली स्थानिक गुन्हे शाखेचे पोलीस निरीक्षक अरुण देवकर, तालुका पोलीस ठाण्याचे पोलीस निरीक्षक विश्वजीत घोडके, पोलीस उपनिरीक्षक ज्ञानेश्वर दळवी, स्थानिक गुन्हे शाखेचे पोलीस उपनिरीक्षक अमित पाटील, तसेच स्थानिक गुन्हे शाखेचे शरद बेबले, लैलेश फडतरे, अरुण पाटील, रोहित निकम यांनी सहभाग घेतला. या गुन्ह्याचा तपास सातारा तालुका पोलीस ठाण्याचे पोलीस निरीक्षक विश्वजीत घोडके करीत आहेत.