चंद्रपूर: केंद्र सरकारच्या जलशक्ती मंत्रालयाच्या वतीने जिल्ह्यातील “हर घर जल” योजनेअंतर्गत उत्तम कार्य करणाऱ्या व्यक्तींना लाल किल्ला दिल्ली येथे स्वातंत्र्यदिनी रोजी होणाऱ्या समारंभाचे साक्षीदार होण्यासाठी विशेष पाहुणे म्हणून आमंत्रित करण्यात आले आहे. यात ब्रम्हपुरी तालुक्यातील लाखापुर येथील सरपंच चंद्रकला मेश्राम यांचा समावेश आहे. स्वातंत्र्यदिनी पंतप्रधान नरेंद्र मोदी यांच्या हस्ते श्रीमती मेश्राम यांचा सत्कार होणार आहे.
चंद्रपुर जिल्ह्यात जल जीवन मिशन अंतर्गत कामे सुरू आहेत. अनेक ठिकाणी कामे पूर्ण होण्याच्या मार्गावर आहेत. काही ठिकाणी कामे पूर्ण झाली आहेत. त्या गावात प्रत्येक घरी नळाद्वारे पाणी पोहचले आहे. जिल्ह्यातील अनेक गावे हर घर जल घोषित झालेली आहेत. अनेक ठिकाणी त्या गावातील सरपंच किंवा तेथील ग्रामपंचायत सदस्य समिती, स्वयं सहायता बचत गट यांनी उत्तम कार्य केले आहे. केंद्र शासनाने चंद्रपुर जिल्ह्यातील ब्रम्हपुरी तालुक्यातील लाखापुर येथील सरपंच चंद्रकला मेश्राम यांच्या कार्याची दखल घेतली आहे. जलजीवन मिशन योजनेमध्ये त्यांनी दिलेल्या योगदानाबद्दल त्यांचा पंतप्रधानांच्या हस्ते सत्कार होणार आहे.
चंद्रपुर जिल्ह्यात जल जीवन मिशन अंतर्गत कामे सुरू आहेत. अनेक ठिकाणी कामे पूर्ण होण्याच्या मार्गावर आहेत. काही ठिकाणी कामे पूर्ण झाली आहेत. त्या गावात प्रत्येक घरी नळाद्वारे पाणी पोहचले आहे. जिल्ह्यातील अनेक गावे हर घर जल घोषित झालेली आहेत. अनेक ठिकाणी त्या गावातील सरपंच किंवा तेथील ग्रामपंचायत सदस्य समिती, स्वयं सहायता बचत गट यांनी उत्तम कार्य केले आहे. केंद्र शासनाने चंद्रपुर जिल्ह्यातील ब्रम्हपुरी तालुक्यातील लाखापुर येथील सरपंच चंद्रकला मेश्राम यांच्या कार्याची दखल घेतली आहे. जलजीवन मिशन योजनेमध्ये त्यांनी दिलेल्या योगदानाबद्दल त्यांचा पंतप्रधानांच्या हस्ते सत्कार होणार आहे.
१५ ऑगष्ट रोजी दिल्ली येथे होणाऱ्या समारंभाचे साक्षीदार होण्यासाठी सरपंच चंद्रकला मेश्राम आणी त्यांचे पती यांना उपस्थित राहण्याबाबतचे निमंत्रण केंद्र शासनाकडून देण्यात आले आहे. या कार्यक्रमाला चंद्रपुर जिल्हा परिषदेच्या उपमुख्य कार्यकारी अधिकारी (पाणी व स्वच्छता) नुतन सावंत यांना महाराष्ट्र राज्याकडून या कार्यक्रमाचे नोडल अधिकारी म्हणुन नियुक्त करण्यात आले आहे. चंद्रकला मेश्राम यांच्या निवडीबाबत जिल्हा परिषदेचे मुख्य कार्यकारी अधिकारी विवेक जॉन्सन यांनी त्यांचे अभिनंदन केले आहे. चंद्रपुर जिल्ह्यातील महिला सरपंच यांचा देशाच्या स्वातंत्र्यदिनी लाल किल्यावर सन्मान होणे, ही चंद्रपुर जिल्ह्यासाठी अभिमानाची बाब आहे. याच पावलावर पाऊल ठेवून इतरांनी प्रेरणा घ्यावी आणि गावाचा विकास साधावा, असे आवाहन मुख्य कार्यकारी अधिकारी विवेक जॉन्सन यांनी केले आहे.