सातारा : वाई बस स्थानकावर आज दुपारी दीडच्या सुमारास एसटी बसच्या चाकाखाली १३ वर्षीय विद्यार्थीनी चिरडल्याने जागीच ठार झाली. श्रावणी विकास आयवळे ( रा. सुलतानपूर, ता. वाई) असे मृत विद्यार्थीनीचे नाव आहे. या प्रकरणी वाहनचालक जीवन मारुती भोसले ( वय ३६, नांदवळ) याला ताब्यात घेण्यात आलं आहे.
मिळालेल्या माहितीनुसार, श्रावणी विकास आयवळे ( रा. सुलतानपूर, ता. वाई) ही वाईतील त. ल. जोशी विद्यालयात ७ वीमध्ये शिकत होती. वाई- बालेघर गाडी क्र. एम एच १४ बी टी ०४९६ ही बस स्थानकावर फलाटाला लागत असताना गाडीमध्ये शिरण्यासाठी विद्यार्थ्यांनी एकच गर्दी केली होती. यामध्ये विद्यार्थी तसेच विद्यार्थींनी यांची लक्षणीय संख्या होती. त्यातच सलग सुट्ट्यांमुळे परगावचे प्रवासी देखील महाबळेश्वर, पाचगणीला जाण्यासाठी वाईतील बस स्थानकावर येत होते.
मिळालेल्या माहितीनुसार, श्रावणी विकास आयवळे ( रा. सुलतानपूर, ता. वाई) ही वाईतील त. ल. जोशी विद्यालयात ७ वीमध्ये शिकत होती. वाई- बालेघर गाडी क्र. एम एच १४ बी टी ०४९६ ही बस स्थानकावर फलाटाला लागत असताना गाडीमध्ये शिरण्यासाठी विद्यार्थ्यांनी एकच गर्दी केली होती. यामध्ये विद्यार्थी तसेच विद्यार्थींनी यांची लक्षणीय संख्या होती. त्यातच सलग सुट्ट्यांमुळे परगावचे प्रवासी देखील महाबळेश्वर, पाचगणीला जाण्यासाठी वाईतील बस स्थानकावर येत होते.
यावेळी श्रावणी आयवळे ही विद्यार्थींनी गाडीच्या मागच्या बाजूस पडली. यावेळी एसटी मागे येत असल्याने तिचे डोके गाडीच्या चाकाखाली चिरडले. यामुळे स्थानकावर खळबळ उडाली, तसेच बघायची गर्दी जमली होती. याप्रकरणी पोलिसांनी वाहनचालक जीवन मारुती भोसले ( वय ३६, नांदवळ) याला ताब्यात घेतलं आहे.
या घटनेची माहिती मिळताच पोलीस सहाय्यक अधिक्षक कमलेश मीना, पोलीस निरीक्षक बाळासाहेब भरणे, कृष्णकांत पवार व सहकारी घटनास्थळी दाखल झाले. त्यांनी पंचनामा करून मृतदेह शवविच्छेदनासाठी पाठवला. यावेळी झालेली गर्दी पोलिसांनी हटवली. अधिक तपास वाई पोलीस करीत आहेत.