महापालिका रुग्णालयांत झालेल्या नोंदीनुसार, येरवडा, कळस-धानोरी या प्रभागात सर्वाधिक ६२९ रुग्णांची नोंद झाली आहे. औंध- बाणेर ४४९, बुधवार पेठ ४०१, धनकवडी-सहकारनगर ४०५, कसबा- विश्रामबागवाडा ४७४ रुग्णांची नोंद झाली आहे. अन्य प्रभागांत सरासरी दोनशे ते तीनशे रुग्णांची नोंद झाली असल्याची माहिती आरोग्य विभागाने दिली.

नेमका आजार काय?

‘कंजंक्टिव्हायटिस’ हा डोळ्यांचा आजार कोणत्याही वयोगटातील व्यक्तीला होऊ शकतो; परंतु लहान मुलांमध्ये आजार होण्याचे प्रमाण जास्त असल्याचे दिसून येत आहे. त्यामुळे शालेय विद्यार्थ्यांच्या डोळ्यांची तपासणी करण्यात येत आहे. वातावरणातील बदलामुळे आणि सूक्ष्म जीवाणूंमुळे या संसर्गाचा प्रादुर्भाव होतो, असे महापालिका आरोग्य विभागाचे सहायक आरोग्य अधिकारी डॉ. सूर्यकांत देवकर यांनी सांगितले.
पुणेकरांसाठी आयुक्त येणार रस्त्यावर; खड्डे दिसताच अधिकाऱ्यांचा निकाल ऑन द स्पॉट, कारवाई होणार?
शाळांमधील विद्यार्थ्यांची प्रभागनिहाय तपासणी
प्रभाग तपासणी निदान

औंध-बाणेर ६,८३२ २५३
बुधवार पेठ ३,९३१ ३८
बिबवेवाडी ४,१०४ ६५
धनकवडी-सहकारनगर ४,४२८ १०६
ढोले-पाटील रस्ता ३०६ १४५
हडपसर-मुंढवा १,५५३ १६
कसबा- विश्रामबागवाडा २,४५१ ११५
कोंढवा-येवलेवाडी १,८०५ ०
कोथरूड-बावधन १,६७८ ५९
नगर रस्ता-वडगावशेरी ५,१९० १६२
शिवाजीनगर- घोले रस्ता २,७१४ ३८
सिंहगड रस्ता ६,३४४ १२९
वानवडी-रामटेकडी २,४१० ७७
वारजे-कर्वेनगर ९३७ १४३
येरवडा- कळस- धानोरी ३१३ ६

*डोळ्यांच्या साथीपासून आपल्या पाल्याचं असं करा संरक्षण….

मुलांनी रोज स्वच्छ गणवेश परिधान करावा.
डोळे थंड पाण्याने धुवावे.
मुलांनी पुरेसे पाणी पिणे आवश्यक.
संक्रमित व्यक्तींच्या संपर्कापासून मुलांना दूर ठेवावे.
शाळेतून आल्यावर हात-पाय साबणाने स्वच्छ धुवावे.
वारंवार हात स्वच्छ करणे गरजेचे.
शाळेत मुलांनी सॅनिटायझर, रुमाल वापरणं आवश्यक.