पुणे : पुण्यात रस्ते अपघातामध्ये दिवसेंदिवस वाढ होत असून, दिवसाला सरासरी तीन अपघात होत असल्याचे समोर आले आहे. त्यामध्ये दररोज एका व्यक्तीचा मृत्यू, तर दोन व्यक्ती गंभीर जखमी होत आहेत. गेल्या दीड वर्षात पुण्यात रस्ते अपघातामध्ये ५२७ जणांचा मृत्यू झाला आहे. त्यामुळे पुण्यात रस्ता सुरक्षा उपाययोजना कमी पडत आहेत का, असा प्रश्न निर्माण होत आहे.
शहरात करोनाच्या प्रादुर्भावानंतर वाहन खरेदीमध्ये वाढ होताना दिसते. पुण्यात सध्या ३६ लाख वाहने आहेत. यामध्ये २४ लाख ८६ हजार दुचाकी आहेत. गेल्या दीड वर्षात सव्वा चार लाख वाहनांची भर पडली आहे. सार्वजनिक वाहतूक सक्षम नसल्यामुळेच वाहन खरेदीचा वेग पुन्हा वाढल्याचे दिसून येत आहे. वाहन खरेदीमध्ये दुचाकीच सर्वाधिक असल्याचे दिसून आले आहे. रस्त्यावर वाहनांची संख्या वाढत असल्यामुळे रस्ते अपघातांची संख्या वाढत आहे आणि त्यामध्ये होणारे मृत्यूही जास्त आहेत.
शहरात करोनाच्या प्रादुर्भावानंतर वाहन खरेदीमध्ये वाढ होताना दिसते. पुण्यात सध्या ३६ लाख वाहने आहेत. यामध्ये २४ लाख ८६ हजार दुचाकी आहेत. गेल्या दीड वर्षात सव्वा चार लाख वाहनांची भर पडली आहे. सार्वजनिक वाहतूक सक्षम नसल्यामुळेच वाहन खरेदीचा वेग पुन्हा वाढल्याचे दिसून येत आहे. वाहन खरेदीमध्ये दुचाकीच सर्वाधिक असल्याचे दिसून आले आहे. रस्त्यावर वाहनांची संख्या वाढत असल्यामुळे रस्ते अपघातांची संख्या वाढत आहे आणि त्यामध्ये होणारे मृत्यूही जास्त आहेत.
मुंबईत घरांच्या किंमती वाढल्या; वर्षभरात खरेदी मंदावल्याने सरकारचंही नुकसान, अशी आहे आकडेवारी
पुणे शहरात २०२२मध्ये एकूण ८७२ अपघात झाले. त्यामध्ये प्राणांतिक अपघातांची संख्या ३१५ होती; त्यामध्ये ३२५ जणांचा मृत्यू झाला होता. या वर्षी पहिल्या सात महिन्यांत ६३८ अपघात झाल्याचे दिसून आले आहे. त्यामध्ये प्राणांतिक अपघात १९३ असून, त्यात २०२ जणांचा मृत्यू झाल आहे. या वर्षी एकूण अपघात व त्यामध्ये मृत्यू होणाऱ्यांची संख्या वाढत असल्याचे दिसून येत आहे. त्यामध्ये दुचाकीस्वारांचे सर्वाधित अपघात झाले आहेत. रस्ता सुरक्षेसाठी वेगवेगळ्या उपाययोजना करूनही अपघात व त्यामध्ये होणारे मृत्यू कमी होताना दिसत नाहीत. पुणे शहरात सर्वाधिक अपघात व मृत्यू होत असल्यामुळे प्रादेशिक परिवहन विभागाकडून (आरटीओ) वेगवेगळे प्रयत्न सुरू आहेत. वाहतूक पोलिसांसोबत आरटीओचे अधिकारी देखील वाहतूक नियभंग करणाऱ्यांवर कारवाई करत आहेत. पण, तरीही अपघात कमी होताना दिसत नाहीत.
अपघाताची कारणे
– पुणे शहरात होणाऱ्या अपघातामागील कारणांचा वाहतूक पोलिसांनी अभ्यास केला आहे. त्यामध्ये सर्वाधिक अपघात हे बेशिस्त वाहन चालकांमुळे होत असल्याचे दिसून आले आहे.
– प्रामुख्याने ट्रिपल सीट दुचाकी चालविणे, विरुद्ध दिशेने वाहन चालविणे, बीआरटी मार्गातून वाहन चालविणे, दुभाजकाच्या पंक्चरमधून वाहन अचानक बाहेर निघणे, अचानक वाहन वळवणे, वेगावर नियंत्रण न ठेवणे अशी महत्त्वाची कारणे अपघातमध्ये दिसून आले आहे.
– हेल्मेटचा वापर न केल्यामुळे अपघातामध्ये मृत्यूचे प्रमाण जास्त असल्याचे पोलिसांनी केलेल्या अभ्यासात दिसून आले आहे.
पादचाऱ्यांसाठीही धोका वाढला
पुणे शहरात पादचाऱ्यांच्या अपघातामध्ये वाढ होताना दिसत आहे. गेल्या दीड वर्षात पुण्यात १७२ प्राणांतिक अपघात झाले असून त्यामध्ये १७४ पादचाऱ्यांचा मृत्यू झाला आहे. तर, दीड वर्षात २३० पादचारी गंभीर जखमी झाले आहेत. या वर्षी पहिल्या सात महिन्यांत ६३ पादचाऱ्यांचा मृत्यू झाल्याचे समोर आले आहे. त्यामुळे शहरातील रस्ते पादचाऱ्यांसाठी असुरक्षित असल्याचे दिसत आहे.
अपघातांची संख्या वाढती
वर्षे २०२२ २०२३ (जुलै अखेरपर्यंत)
एकूण अपघात ८७२ ६३८
मृत्यू ३२५ २०२
गंभीर जखमी ५०७ ३७९
किरकोळ जखमी १०१ ७८
पादचाऱ्यांचे अपघात
वर्ष २०२२ २०२३ (जुलै अखेरपर्यंत)
एकूण अपघात २५७ १७७
पादचाऱ्यांचा मृत्यू १११ ६३
गंभीर जखमी १४२ १०८
किरकोळ जखमी १६ २३
शहरातील अपघात कमी करण्यासाठी वाहतूक पोलिसांनी त्यांचा अभ्यास केला आहे. त्यामध्ये वाहतुकीच्या नियमांचे पालन न केल्यामुळे सर्वाधिक अपघात होत असल्याचे दिसून आले आहे. अपघात कमी करण्यासाठी वाहतूक पोलिसांकडून इतर विभागांच्या मदतीने काम केले जात आहे.
– विजयकुमार मगर
उपायुक्त, वाहतूक शाखा
शाळेतील निकाल कमी लागला, शिक्षण विभागाचं पथक तपासणीला गेलं अन् सत्य समोर येताच सगळेच हादरले!