५० प्रश्न, १ तासाचा वेळ

शिक्षक प्रेरणा परीक्षेत एका विषयाला एक तासाचा कालावधी देण्यात आला आहे. एका विषयाचे पन्नास प्रश्न विचारण्यात आले असून यात निगेटीव्ह मार्किंग लागू आहे. चुकीच्या प्रत्येक उत्तरासाठी ०.२५ गुण वजा करण्यात येणार आहे. ५० प्रश्न सोडविण्यासाठी तासाभराचा कालावधी देण्यात आला असला तरी प्रश्न अधिक कठिण असल्याने योग्य उत्तरे शोधणे अडचणीचे ठरल्याचे शिक्षकांनी सांगितले. प्रश्नांमध्ये दूरच्या उंच इमारतीची पूर्ण लांबीची प्रतिमा कोणता आरसा वापरून नक्कीच पाहता येईल, ‘स्वच्छ आकाश निळे दिसते कारण’ अशा स्वरूपाची प्रश्न होती.
आजपासून शिक्षकांची ‘परीक्षा’; मराठवाड्यातील २६,४३० जण देणार प्रेरणा परीक्षा
अशी होती उपस्थिती..
जिल्हा… नोंदणी केलेले शिक्षक… उपस्थिती

छत्रपती संभाजीनगर ३१८९ ४५७
जालना १४७५ २७०
परभणी ६७७ ३८२
हिंगोली ४२०१ ३७३
नांदेड ४७४३ ४९३
बीड ७७१७ ५९६
लातूर ४२५ १९०
धाराशीव ४४४४ ५२

प्रश्नपत्रिकेचे स्वरूप थोडे कठीण वाटले. प्राथमिक शाळेमध्ये मी, कार्यरत आहे. त्यावर आधारित प्रश्नांचे स्वरूप असते तर प्रश्न सोडविताना अडचण झाली नसती. प्रश्नपत्रिकेचे स्वरूप ठरविताना याचा विचार व्हायला हवा होता.-शशिकांत पाटील, शिक्षक, चाचा नेहरू प्राथमिक विद्यालय

मी, शाळेत इंग्रजी विषय शिकवतो. अशावेळी इतर विषयांची परीक्षा देणे अडचणीचे आहे. त्यात एनसीईआरटी पाठ्यपुस्तकातील प्रश्नही काही होते. विषयनिहाय परीक्षा झाली असती, तर अधिक प्रभावी ठरली असती. त्यासह शिक्षकांना तयारीसाठी वेळ द्यायला हवा होता.सुधाकर गुंजाळ, अमनविश्व हायस्कूल,