म. टा. वृत्तसेवा, यवतमाळ : ट्रकने पोलिस वाहनाला जोरदार धडक दिल्याने अपघातात एका पोलिस शिपायासह ट्रक चालकाचा जागीच मृत्यू झाला. तर दोन पोलिस शिपाई गंभीर जखमी झाले. नागपूर-तुळजापूर महामार्गावर कोसदनी घाटात शनिवारी मध्यरात्री १. ३० वाजता हा भीषण अपघात झाला. धडक इतकी जोरदार होती की दोन्ही वाहनांचा चेंदामेंदा झाला.
पोलिस शिपाई संजय रंगराव नेटके (वय ४१) व ट्रक चालक पांडुरंग हरी नकाते (वय ५०) अशी मृतांची नावे आहेत. पोलिस शिपाई संतोष देवराव हराळ व कुणाल बबन साळवे हे गंभीर जखमी आहेत.
पोलिस शिपाई संजय रंगराव नेटके (वय ४१) व ट्रक चालक पांडुरंग हरी नकाते (वय ५०) अशी मृतांची नावे आहेत. पोलिस शिपाई संतोष देवराव हराळ व कुणाल बबन साळवे हे गंभीर जखमी आहेत.
काय घडलं?
आर्णी पोलिस शनिवारी रात्री महामार्गावर पेट्रोलिंग करीत होते. त्यांना कोसदनी घाटाजवळ नाल्याच्या पुलावर एक आयशर वाहन क्र. एमएच १३ सीयू ४९८२ उभे असल्याचे दिसले. त्या वाहनचालकाबी विचारपूस करण्यासाठी पोलिस वाहन गेले होते. दरम्यान मागून भरधाव ट्रक क्र. यूपी ६३ बीटी ९१२७ ने जोरदार धडक दिली. पोलिस वाहन समोर उभ्या असलेल्या आयशरवर आदळले. दोन्ही वाहनाच्या मध्ये दबल्याने पोलिस संजय नेटके व आयशरचा चालक पांडुरंग नकाते दोघेही जागीच ठार झाले. तर दोन पोलिस गंभीर जखमी झाले. जखमींना आर्णी येथील शासकीय रुग्णालयात दाखल केले. प्राथमिक उपचारानंतर दोघांना यवतमाळ येथील वसंतराव नाईक शासकीय वैद्यकीय महाविद्यालयाच्या रुग्णालयात हलविण्यात आले. आर्णी पोलिसांनी ट्रक चालकावर गुन्हा दाखल करून अटक केली.
ह्रदय हेलावणारी घटना! सासरी बहिणीला भेटून परतणाऱ्या भावाचा काही तासांतच मृत्यू; काय घडलं?