एमआरव्हीसी प्रकल्पाच्या कामामुळे १२ सिग्नल बंद झाले होते. सध्या दोन सिग्नल यंत्रणा पूर्ववत करण्यात आले आहे. शक्य तितक्या लवकर उर्वरित सिग्नल सुरू करण्याचे रेल्वे प्रशासनाचे प्रयत्न आहेत, असे पश्चिम रेल्वेचे मुख्य जनसंपर्क अधिकारी सुमित ठाकूर यांनी सांगितले. बारा सिग्नल बंद झाल्याने १० मेल आणि २० लोकल फेऱ्यांवर परिणाम झाला आहे. या गाडया १५ मिनिटे विलंबाने धावत आहेत. एमआरव्हीसी प्रकल्पाकरीता करण्यात आलेल्या खोदकामामुळे विरार स्थानकाच्या उत्तरेकडील १२ सिग्नल बंद झाले आहेत. सध्या दुरुस्ती काम सुरू आहे. विरार ते डहाणू रोड दरम्यान लोकल फेऱ्या अतिशय धीम्या गतीने सुरू आहेत. दोन सिग्नल सुरू झाले असून उर्वरित सिग्नल कार्यान्वित करण्याचे सुरू आहे.