अॅप्सद्वारे अशी होते फसवणूक……

मुद्रा योजनेबाबत फेसबुक वा यू-ट्यूबवर जाहिरात दाखवली जाते. त्याद्वारे संबंधित अॅप डाऊनलोड करण्याचे आवाहन केले जाते. या अॅपमध्ये नाव, पत्ता, आधार, पॅन क्रमांक आदी माहिती भरण्यास सांगितली जाते. ती भरल्यानंतर काही तासांनी कॉलसेंटरमधून फोन येतो व तुमचे मुद्रा कर्ज मंजूर झाल्याचे सांगितले जाते. त्याच्या प्रोसेसिंग फीसाठी पैसे जमा करण्यास सांगितले जाते. लोक कर्जाच्या आमिषाने रक्कम भरतात. तोपर्यंत त्यांना आलेला फोन क्रमांक बंद झालेला असतो.

ही घ्या काळजी……
* मुद्रा योजनेतून कर्ज मिळविण्यासाठी जवळच्या बँकेशी संपर्क साधावा. कोणत्याही अॅप वा वेबसाइटवर वैयक्तिक माहिती भरू नये.
* कोणी फोन करून कर्ज देण्याविषयी सांगत असल्यास त्यावर विश्वास ठेवू नये.
* संबंधित बँकेच्या अधिकृत वेबसाइटवरूनच कर्जासाठी अर्ज करावा.
* कोणी झटपट, विनाकागदपत्रे, विनापडताळणी कर्ज देण्याचे आश्वासन देत असल्यास ते बनावट असल्याचे लक्षात घ्यावे.
आदर्श पतसंस्था घोटाळा प्रकरण: ३ सीएंचा अटकपूर्व जामीन फेटाळला, दुसऱ्या गुन्ह्यात अटक होणार?
मला अनोळखी क्रमांकावरून फोन आला. मुद्रा कर्जासाठी कागदपत्रे मागितली. ती पाठविल्यानंतर मला चौदा लाख रुपये कर्ज मंजूर झाल्याचे थेट पंतप्रधानांचे छायाचित्र असलेले प्रमाणपत्रच आले. त्यानंतर प्रोसेसिंग फी म्हणून १,२५० रुपये ऑनलाइन पाठविण्यास सांगण्यात आले. हा सगळा प्रकार बनावट असल्याचे मला माहीत होते. त्यामुळे पैसे पाठविले नाहीत. मात्र, सामान्य माणसे या फसवणुकीला बळी पडू शकतात.- किरण घायदार, नागरिक