नाशिक : जिल्ह्यातील इगतपुरी तालुक्यात एक धक्कादायक घटना समोर आलीये. शेतातून मृतदेह घेऊन जाणाऱ्या लोकांची शेतकऱ्याने वाट अडवल्याने मृतदेहावरील अंत्यसंस्कार दिवसभर रखडले. इगतपुरी तालुक्यात रस्त्याअभावी गरोदर मातेचा मृत्यू झाल्याची घटना ताजी असतानाच रस्ता नसल्याने मृतदेहावरील अंत्यसंस्कार करण्यास विलंब झाला. टाके घोटी येथील आदिवासी कातकरी पाड्यावर जाण्यासाठी कोणताही रस्ता नाही. त्यामुळे त्या वाडीतील नागरिक एका शेतकर्याचा शेतातील पायवाटेने ये-जा करत असतात.
कातकरी पाड्यावरील वस्तीत एका व्यक्तीचा मृत्यू झाला. त्याचा अंत्यविधी करण्यासाठी मृतदेह स्मशानभूमीत न्यायला एकमेव पायवाटेने शेतातून जात असतांना संबंधित मालकाने इथून मृतदेह नेऊ नका असे सांगत मज्जाव केला. म्हणून हा अंत्यविधी दिवसभर रखडला. इगतपुरीचे तहसीलदार अभिजित बारवकर आणि इगतपुरी पोलीस यांना या घटनेची माहिती मिळाल्यानंतर त्यांनी घटनास्थळी धाव घेऊन पोलीस बंदोबस्तात पायवाट मोकळी करून दिली. त्यानंतर मृतदेह स्मशानभूमीत नेवून अंत्यविधी करण्यात आला.
कातकरी पाड्यावरील वस्तीत एका व्यक्तीचा मृत्यू झाला. त्याचा अंत्यविधी करण्यासाठी मृतदेह स्मशानभूमीत न्यायला एकमेव पायवाटेने शेतातून जात असतांना संबंधित मालकाने इथून मृतदेह नेऊ नका असे सांगत मज्जाव केला. म्हणून हा अंत्यविधी दिवसभर रखडला. इगतपुरीचे तहसीलदार अभिजित बारवकर आणि इगतपुरी पोलीस यांना या घटनेची माहिती मिळाल्यानंतर त्यांनी घटनास्थळी धाव घेऊन पोलीस बंदोबस्तात पायवाट मोकळी करून दिली. त्यानंतर मृतदेह स्मशानभूमीत नेवून अंत्यविधी करण्यात आला.
राष्ट्रीय विकासाला चालना मिळण्यासाठी इगतपुरी तालुक्यातील अनेक शेतकऱ्यांनी समृद्धी महामार्गासाठी योगदान दिले आहे. ज्या तालुक्यातून समृद्धी महामार्ग जातो त्या तालुक्यातीलच अनेक लहान मोठ्या वस्तीवर रस्त्याअभावी अनेक समस्या उद्भवत आहेत. रस्ता नसल्याने एका गरोदर मातेला आपला जीव गमवावा लागल्याची घटना नुकतीच घडली. ही घटना ताजी असतानाच मृतदेहाला स्मशानभूमीत नेण्यासाठी नातेवाईकांना मोठा संघर्ष करावा लागला.
बारा वर्षांपूर्वीच ‘मणिपूर’ने घातली होती साद, तेव्हा अण्णा हजारे म्हणाले होते…
एकीकडे रस्ता नाही म्हणून रुग्णाला जीव गमवावा लागतो तर दुसरीकडे मृतदेहाला स्मशानभूमीत नेण्यासाठी पोलिसांची मदत घ्यावी लागते ही दुर्दैवी बाब आहे. आदिवासी कातकरी समाजासाठी आदिवासी विकास विभागाच्या कोट्यवधी रुपयांच्या योजना आहेत. मात्र कातकरी वस्त्यांमध्ये त्या योजना पोहोचल्या नाहीत. म्हणूनच अनेक गावांत आदिवासींची दशा अजूनच बिकट आहे, अशी प्रतिक्रिया एल्गार कष्टकरी संघटनेचे संस्थापक भगवान मधे यांनी दिली.