छत्रपती संभाजीनगर: ट्रान्सपोर्ट व्यावसायिक बँकेतून पैसे घेऊन बाहेर पडला आणि चोरट्यांनी त्यांच्यासमोर पाचशे रुपयांच्या तीन नोटा टाकल्या. तुमचे पैसे पडले आहेत असे म्हणून त्यांना थांबवण्याचा प्रयत्न केला. मात्र, व्यावसायिकाने ते पैसे माझे नाहीत असे म्हणून पुढे निघाले मात्र, रस्त्यात व्यवसायिकाची दुचाकी पंक्चर झाली पंक्चर काढण्यासाठी पंक्चरच्या दुकानावर दुचाकी लावली. याचवेळी चोरट्यांनी संधी साधत तीन लाख रुपयांची बॅग लंपास केली. यावेळी पंक्चर चालकाने चोरट्यांना हातातील हातोडा फेकून मारला मात्र, चोरटे तोपर्यंत पसार झाले होते. ही संपूर्ण घटना सोमवार दिनांक २४ रोजी दुपारी तीन वाजेच्या सुमारास बाबा पेट्रोल पंप येथे घडली.
याप्रकरणी पोलिसांनी दिलेल्या माहितीनुसार, नवाब जमीर खान पठाण (वय ५८ रा. गादीय विहार पृथ्वीराज नगर) असं व्यावसायिकाचे नाव आहे. नवाब हे ट्रान्सपोर्ट व्यवसायिक आहेत. दरम्यान, सोमवारी दुपारी अदालत रोडवरील आयसीआयसीआय बँकेतून त्यांनी तीन लाख रुपये काढले. काढलेले पैसे एका बॅगमध्ये ठेवले. बँकेतून बाहेर पडत असतानाच त्यांच्यासमोर पाचशे रुपयांच्या तीन नोटा टाकल्या. मात्र, हे पैसे माझे नसल्याचे सांगत नवाब पुढे निघाले. दरम्यान, पैशांची बॅग घेऊन ते बुलेटवर क्रांती चौकाच्या दिशेने निघाले. चोरट्यांनी बँकेपासूनच त्यांचा पाठलाग सुरू केला.
याप्रकरणी पोलिसांनी दिलेल्या माहितीनुसार, नवाब जमीर खान पठाण (वय ५८ रा. गादीय विहार पृथ्वीराज नगर) असं व्यावसायिकाचे नाव आहे. नवाब हे ट्रान्सपोर्ट व्यवसायिक आहेत. दरम्यान, सोमवारी दुपारी अदालत रोडवरील आयसीआयसीआय बँकेतून त्यांनी तीन लाख रुपये काढले. काढलेले पैसे एका बॅगमध्ये ठेवले. बँकेतून बाहेर पडत असतानाच त्यांच्यासमोर पाचशे रुपयांच्या तीन नोटा टाकल्या. मात्र, हे पैसे माझे नसल्याचे सांगत नवाब पुढे निघाले. दरम्यान, पैशांची बॅग घेऊन ते बुलेटवर क्रांती चौकाच्या दिशेने निघाले. चोरट्यांनी बँकेपासूनच त्यांचा पाठलाग सुरू केला.
रस्त्यात नवाब यांची दुचाकी पंक्चर झाली. पंक्चर काढण्यासाठी त्यांनी क्रांती चौक पेट्रोल पंपाजवळ गाडी लावली. पंक्चर काढल्यानंतर दुकानदाराचे पैसे देण्यासाठी त्यांनी पैशाची बॅग दुसऱ्या गाडीवर ठेवली. याची संधी साधत चोरट्यांनी ती बॅग उचलली आणि गाडीवर बसून धूम ठोकली. यावेळी प्रसंगावधान राखत पंक्चर दुकान चालकाने हातातील हातोडा चोरट्यांना फेकून मारला. मात्र, तोपर्यंत चोरटे पसार झाले होते.
दरम्यान, चोरीची संपूर्ण घटना सीसीटीव्ही कॅमेऱ्यामध्ये कैद झाली असून, या प्रकरणी व्यवसायिकांनी दिलेल्या तक्रारीवरून क्रांती चौक पोलीस ठाण्यामध्ये गुन्हा दाखल करण्यात आला आहे. दुचाकी चालवणाऱ्या चोरट्याने हेल्मेट घातलं होतं तर दुसऱ्याने तोंडाला मास्क लावलं होतं तसेच आरोपींच्या गाडीला क्रमांक नव्हता. गुन्हा दाखल होताच क्रांती चौक पोलीस ठाण्याचे पोलीस निरीक्षक संतोष पाटील उपनिरीक्षक विकास खटके यांनी घटनेचा तपास सुरू केला आहे.
Buldhana ST Bus Accident : बुलढाण्यात एसटीचा अपघात, ५५ प्रवाशांची बस घाटात पलटी