सोलापुरातील विविध स्मशानभूमीत विकासाच्या नावाने अजूनही बोंबाबोंब असे चित्र पहायला मिळत आहे. पथदिवे बंद असल्याने मृत यल्लप्पा मग्रुमखाने यांच्या मृतदेहावर दुचाकी लाईटच्या फोकस मध्येच अंत्यसंस्कार करण्यात आले. सोरेगाव हा सोलापूचा प्रमुख असा हद्दवाढ भाग आहे. हा भाग प्रभाग २३ मध्ये येतो. संबंधित माजी नगरसेवक आणि नगरसेविका याबाबत बेफिकीर असल्याचेच दृश्य स्पष्टपणे जाणवते. अशा माजी नगरसेवक अथवा नगरसेविका यांना येणाऱ्या महापालिका निवडणूकीत चांगलीच अद्दल घडवणार असल्याची तटस्थ भूमिका आता सोरेगाव येथील नागरिकांनी घेतली आहे. लवकरच सोरेगाव स्मशानभूमीत सोलापूर महापालिका प्रशासनाकडून विकास कामांची सुधारणा न झाल्यास येणाऱ्या काही दिवसांत सोलापूर महापालिकेवर तिरडी मोर्चा काढू, असा आक्रमक पवित्रा सोरेगाव येथील नागरिकांनी घेतला आहे.