नवी मुंबई: महिलांवर होणारे अत्याचाराच्या घटना ह्या दिवसेंदिवस घडत आहेत. अनेक वेळा महिलांना वेगवेगळी आश्वासने देऊन फसवले जातात किंवा प्रेमसंबंध निर्माण करून लग्नाचे आमिष दाखवून लैंगिक अत्याचाऱ्याच्या घटनांना बळी पडावे लागते. अनेक महिलांचे लैंगिक शोषण झाल्याच्या घटना वारंवार घडत असतात. अशीच एक घटना नवी मुंबईतील वाशी येथे उघडकीस आले आहे. शहरातील गुरुद्वारा येथे महिलेला लग्नाचे आमिष दाखवून तिच्यावर जबरदस्ती करत लैंगिक अत्याचार केल्याची धक्कादायक घटना उघडकीस आली आहे. यासंदर्भात पीडित महिलेने वाशी पोलीस ठाण्यात तक्रार दिली आहे. पोलीसांनी गुन्हा दाखल केला असून वाशी पोलिसांनी बलात्काराच्या आणि विनयभंगाच्या गुन्हा केल्याप्रकणी आरोपीला अटक केली आहे.
याबाबत अधिक माहिती अशी की, वाशीतील गुरुद्वारामध्ये भजन, कीर्तन करणाऱ्या व्यक्तीने गुरुद्वारामध्ये प्रार्थनेसाठी येणाऱ्या २२ वर्षीय तरुणीला लग्नाचे आमिष दाखवून तिच्यावर गुरुद्वारामध्येच लैंगिक अत्याचार केल्याची खळबळजनक घटना घडली. गुरुप्रित सिंग गुरपाल सिंग वय (३०) वर्षे असे अत्याचार करणाऱ्या आरोपीचे नाव असून वाशी पोलिसांनी त्याला बलात्काराच्या गुह्यात अटक केली आहे. लैंगिक अत्याचारप्रकरणी अटक करण्यात आलेला आरोपी गुरुप्रित सिंग हा वाशी सेक्टर-९ मधील गुरुद्वारामध्ये भजन, कीर्तन करून त्याच ठिकाणी राहण्यास होता.
अत्याचार झालेली २२ वर्षीय पीडित तरुणी तुर्भे येथे राहण्यास आहे. पीडित तरुणी ही वाशीतील गुरुद्वारामध्ये नियमित प्रार्थनेसाठी जात असल्याने आरोपी गुरुप्रित सिंग याने पीडित तरुणीसोबत ओळख निर्माण करून तिच्यासोबत मैत्री वाढविली. त्यानंतर त्याने पीडित तरुणीला लग्नाचे आमिष दाखवून १ जुलै रोजी तिला वांद्रे येथे नेऊन तिचा विनयभंग केला. त्यानंतर त्याने दुसऱ्या दिवशी दुपारी पीडित तरुणीला बोलवून गुरुद्वाराच्या कंपाऊंडमधील रूममध्ये तिच्यावर जबरदस्तीने लैंगिक अत्याचार केले. या प्रकारानंतर पीडित तरुणीने आपल्या कुटुंबीयांना याबाबतची माहिती दिल्यानंतर तिने वाशी पोलिस ठाण्यात तक्रार दाखल केली. त्यानंतर वाशी पोलिसांनी प्रकाराची गंभीर दखल घेऊन आरोपी गुरुप्रित सिंग याच्या विरोधात बलात्कारासह विनयभंगाचा गुन्हा दाखल करून त्याला अटक केली आहे.
रेल्वेरुळ ओलांडणं जीवावर बेतलं; रेल्वेस्थानकात गंभीर अपघात, महिलेचे हात-पाय धडावेगळे