सातारा रस्त्यावर स्वारगेट परिसरात लक्ष्मीनारायण चित्रपटगृहाजवळील येथील चौकातून सिटी प्राइड चित्रपटगृहाकडे जाताना चौकापासून अगदी दहा पावलांवर उड्डाणपुलाखालील भागात सायंकाळी सातनंतर मद्यपींचा रस्त्यावरील ‘अड्डा’ जमतो. अनेकदा वाहतुकीलाही त्याचा अडथळा होतो. या ठिकाणी रस्त्याच्या एका बाजूला देशी विदेशी मद्याचे दुकान आहे. तेथे दारूची बाटली खरेदी करून रस्त्याच्या दुसऱ्या बाजूला जाऊन मद्यपान केले जाते. अनेकदा दुपारीही तेथे काही जण मद्यपान करताना दिसतात. मात्र, त्यांची संख्या नगण्य असते.

पोलिस ठाण्यापासून ३०० मीटरवरच ‘अड्डा’

सातारा रस्त्यावरील मद्यपींचा अड्डा स्वारगेट पोलिस ठाण्यापासून अगदी २०० ते ३०० मीटर अंतरावर आहे. गेल्या काही दिवसांपासून केशवराव जेधे चौकात पोलिस रोज नाकाबंदी करीत आहेत. मात्र, पोलिस ठाण्यापासून जवळ असूनही स्वारगेट पोलिसांना हा रस्त्यावरचा अड्डा आजवर दिसलेला नाही. त्यामुळे राजरोसपणे तेथे मद्यपान केले जाते.

पदपथ चालण्यासाठी नव्हे; मद्यपानासाठी

ढोले पाटील रस्त्यावर सह धर्मादाय आयुक्त कार्यालयाकडून महापालिकेच्या क्षेत्रीय कार्यालयाकडे जाताना रस्त्याच्या डाव्या बाजूला एका मद्यविक्रीच्या दुकानासमोरील पदपथावर आणि तेथील अन्य बंद दुकानांसमोर बसून मद्यपान चालते. त्यामुळे पादचाऱ्यांना एका बाजूचा पदपथ उपलब्धच होत नाही. तसेच, या ठिकाणी पाहणी केली असता दारूच्या बाटल्यांचा खच पडल्याचे दिसले.
महाराष्ट्राला हादरवणारी घटना! झुडपांत आढळले प्लास्टिकच्या पिशवीत गुंडाळलेले जिवंत अर्भक
का चालते रस्त्यावर मद्यपान

– घरी मद्यपान करणे शक्य नाही आणि बारमध्ये खर्च परवडत नाही.
– रस्त्यावर दारू पिण्याचा पर्याय स्वीकारला जातो
– पाण्याच्या बाटल्या आणि अन्य खाद्यपदार्थही बारजवळील रस्त्यांवर उपलब्ध होतात