कल्याण : ठाकुर्ली आणि कल्याण दरम्यान लोकल सुमारे दोन तास उभी होती. त्यामुळे काही प्रवासी गाडीतून उतरून कल्याणच्या दिशेने चालत जात होते. त्यात एक चार महिन्यांचे बाळ घेऊन एक ज्येष्ठ नागरिक आणि त्या बाळाची आई चालत होती. यादरम्यान, अचानक त्या ज्येष्ठ नागरिकाच्या हातून चार महिन्यांचे बाळ निसटले अन् थेट नाल्यात जाऊन पडले. नाल्याच्या तीव्र प्रवाहात ते बाळ वाहून गेले. रेनकोटमधून बाळ कधी निसटून खाली पडले, ते कळलेच नाही, अशी हृदयद्रावक कहाणी बाळाच्या आजोबांनी सांगितली.
लोकल तब्बल दोन तास जागेवर उभी होती. त्यामुळे आजारी असलेल्या सहा महिन्याच्या बाळाला जरा वारा लागावा, यासाठी बाळाचे आजोबा आणि बाळाची आई लोकलमधून खाली उतरले. मात्र, नियतीच्या मनात काही वेगळेच होते. ठाकुर्ली आणि कल्याण स्थानकाच्या दरम्यान आपल्या सहा महिन्याच्या बाळाला रेनकोटमध्ये गुंडाळून घेऊन जात असताना आधी बाळाच्या आईचा पाय घसरला. त्यामुळे आपल्या मुलीला सावरायला गेलेल्या वडिलांच्या रेनकोटमधून सहा महिन्यांची नात कधी नाल्यात पडती हे समजलेच नाही.
लोकल तब्बल दोन तास जागेवर उभी होती. त्यामुळे आजारी असलेल्या सहा महिन्याच्या बाळाला जरा वारा लागावा, यासाठी बाळाचे आजोबा आणि बाळाची आई लोकलमधून खाली उतरले. मात्र, नियतीच्या मनात काही वेगळेच होते. ठाकुर्ली आणि कल्याण स्थानकाच्या दरम्यान आपल्या सहा महिन्याच्या बाळाला रेनकोटमध्ये गुंडाळून घेऊन जात असताना आधी बाळाच्या आईचा पाय घसरला. त्यामुळे आपल्या मुलीला सावरायला गेलेल्या वडिलांच्या रेनकोटमधून सहा महिन्यांची नात कधी नाल्यात पडती हे समजलेच नाही.
हातात असलेली माझी नात रेनकोटमधून कधी नात्यात पडली मला समजलेच नाही…
ट्रॅकवर चालत असताना आधी आपल्या मुलीचा पाय घसरल्यानंतर तिला कसेबसे सावरले. यादरम्यान माझ्या नातीला मी रेनकोटमध्ये गुंडाळून माझ्या हातात घेतले होते. मात्र माझाही पाय घसरला आणि माझ्या हातात असलेली माझी नात रेनकोटमधून कधी नात्यात पडली मला समजलेच नसल्याचे मुलीच्या आजोबांनी सांगितले. बाळ पडल्याचं लोकांच्या लक्षात आल्यानंतर रेनकोटमध्ये बाळ नसल्याचं आमच्या लक्षात आले. मात्र तोपर्यंत माझी नात नाल्यात वाहून गेली होती असं ज्ञानेश्वर पौगुल यांनी सांगितले.
Local Train Updates: अंबरनाथच्या नाल्याने घात केला, रुळाखालची खडी वाहून गेली, मध्य रेल्वेची वाहतूक ठप्प
बाळ नाल्यात पडल्यानंतर लोकांनी आरडाओरड केल्यानंतर बाळ पडल्याचं त्यांच्या लक्षात आले. मात्र तोपर्यंत हे सहा महिन्याचं बाळ नाल्यात वाहून गेले होते. बाळ नाल्यात वाहून गेल्याचा धक्का पचवू न शकलेल्या आईने आपल्या बाळासाठी जागेवरच हंबरता फोडला.
बाळाचा शोध घेण्यासाठी स्थानिक प्रशासनाने प्रयत्न सुरू केले. रात्री त्या ठिकाणी एनडीआरएफची टीम पोहोचली होती. मात्र, अंधार असल्याने शोधकार्य पूर्ण होऊ शकले नाही. पाण्यात पडलेले बाळ अद्याप सापडू शकले नाही. या संबंधात बाळ सापडल्याची चुकीची माहिती माध्यमांमध्ये प्रसारित होत आहे. ठाणे जिल्हा प्रशासनास मिळालेल्या माहितीनुसार, अद्याप वाहून गेलेल्या बाळाचा तपास लागलेला नाही.