अमरावती: महानुभाव पंथाचे अभ्यासक आणि विदर्भातील अनेकांचे श्रद्धास्थान असलेले अमरावती जिल्ह्यातील वाठोडा शुक्लेश्वर येथील परमपूज्य महंत उपाध्य कुलभूषण श्री वैद्यराज बाबा यक्षदेव यांचे आज नागपूर येथील एका रुग्णालयात निधन झाले. महाराष्ट्रासह विदर्भातील अनेक महानुभाव अनुयायांचे ते श्रद्धास्थान होते. अकॅडमीशन स्कॉलर,व्यासंगी व्यंगचित्रकार प्राध्यापक ते अध्यात्मिक गुरु असा त्यांच्या आयुष्याचा प्रवास होता.
तीन दिवसांपूर्वी वाठोडा शुक्लेश्वर येथील एका कार्यक्रमात त्यांनी दंडवत घातला. दुसऱ्या दंडवताला ते देवासमोर नतमस्तक असताना त्यांना अर्धांग वायू झाल्याचे भक्तांच्या लक्षात आले. त्यानंतर त्यांना भक्तांनी तत्काळ नागपूर येथील एका रुग्णालयात भरती केले. यावेळी त्यांना ब्रेन हॅमरेज होऊन ते कोमात गेल्याची माहिती भक्तांना मिळाली. आज त्यांनी नागपूर येथील एका खाजगी रुग्णालयात अखेरचा श्वास घेतला. उद्या दिनांक २१ जुलै रोजी दुपारी तीन वाजता पाठवला शुक्लेश्वर येथील त्यांच्या मंदिर परिसरात महानुभाव परंपरेनुसार त्यांचा अंत्यसंस्कार होणार आहे असल्याची माहिती ॲड. अरुण ठाकरे यांनी दिली आहे.
तीन दिवसांपूर्वी वाठोडा शुक्लेश्वर येथील एका कार्यक्रमात त्यांनी दंडवत घातला. दुसऱ्या दंडवताला ते देवासमोर नतमस्तक असताना त्यांना अर्धांग वायू झाल्याचे भक्तांच्या लक्षात आले. त्यानंतर त्यांना भक्तांनी तत्काळ नागपूर येथील एका रुग्णालयात भरती केले. यावेळी त्यांना ब्रेन हॅमरेज होऊन ते कोमात गेल्याची माहिती भक्तांना मिळाली. आज त्यांनी नागपूर येथील एका खाजगी रुग्णालयात अखेरचा श्वास घेतला. उद्या दिनांक २१ जुलै रोजी दुपारी तीन वाजता पाठवला शुक्लेश्वर येथील त्यांच्या मंदिर परिसरात महानुभाव परंपरेनुसार त्यांचा अंत्यसंस्कार होणार आहे असल्याची माहिती ॲड. अरुण ठाकरे यांनी दिली आहे.
Khalapur Landslide: अख्खं कुटुंब ढिगाऱ्याखाली, एकटी मुलगी वाचली, खालापूर दुर्घटनेनं जयश्रीचं सारं हिरावून नेलं
धनंजय वर्मा ते लक्ष देव बाबा असा होता रहस्यमय प्रवास
प.पू.प. महंत उपाध्य कुलभूषण श्री वैद्यराज बाबा यक्षदेव महानुभाव, पूर्वाश्रमीचे प्राध्यापक धनंजयसिंह गुलाबसिंह वर्मा (राजपूत) नाव होते. वाटोळा शुक्लेश्वर येथील श्री दत्त मंदिर संस्थांचे ते संचालक होते.
१८ जानेवारी १९४६ रोजी त्यांचा जन्म झाला. बाबांनी शालेय शिक्षण, कलानिकेतन आणि भारतीय विद्यालय अमरावती येथून पूर्ण केले. त्यानंतर त्यांनी उच्च शिक्षण सर. ज. जी. कला महाविद्यालय, मुंबई १९६३ ते १९६८, जी. डी. आर्ट (रेखा व रंगकला) प्रथम श्रेणीत उत्तीर्ण करत महाराष्ट्रत प्रथम क्रमांक पटकावला.
इर्शाळवाडी दुर्घटना कळताच गावी धाव, जाऊन पाहिलं तर सारं सपाट झालेलं, मामा-मामा आवाज देताच…
त्यांना सन्माननीय फेलोशीप १९६८-६९ मध्ये मिळाली. म्युरल डेकोरेशन महाराष्ट्र शासन शिष्यवृत्ति, ललितकला पारंगत’ M.FA.Portrait PTG प्रथम श्रेणी, नागपूर विद्यापीठ, नागपूर, यक्षदेव बाबांना बाम्बे आर्ट सोसायटी व्यक्तिचित्रण पारितोषिक मिळाले होते. डॉली करसेटजी स्पर्धा, प्रथम क्रमांक १९६८, कास्यपदक १९६५, सरज.जी. कला महाविद्यालयाचा सर्वोच्च सन्मान, उषा देशमुख, सुवर्णपदक’ १९६९, अखिल भारतीय महाकोशल कलापरिषद रायपुर (मध्यप्रदेश) पुरस्कार, भारत कला परिषद हैद्राबाद पारितोषीक, हैद्राबाद आर्ट सोसायटी- १९८६ (आंध्र प्रदेशक, अंबाला (पंजाब), अखिल भारतीय पुरस्कार ‘दक्षिण मध्य सांस्कृतिक केन्द्र, नागपूर, प्रथम पारितोषीक, गोल्ड रेकॉर्ड ऑफ अचिव्हमेंट ९६. डिक्सनरी करीता अमेरीकन बायोग्राफिकल इन्स्टिटयूट तर्फे निवड करण्यात आली,’प्राध्यापक आणि विभाग प्रमुख रेखा व रंगकला, शासकीय चित्रकला महाविद्यालय नागपूर येथून १९९९ साली समाजसेवा कार्यासाठी स्वेच्छा निवृत्ती घेतली.
भगवद्गीतेच्या परमेश्वरीय ब्रह्मविद्या तत्वज्ञानानुसार सन २००० पासून सर्व धर्म परित्यज्यून सुरू केले.
समर्पित जीवन
महानुभाव साहित्य, संस्कृती व तत्वज्ञानाच्या प्रचार प्रसारासाठी सर्वज्ञ विद्यापीठाचे मुखपत्र ‘ज्ञानमोचक व अनेक वृत्तपत्रातून लेख प्रकाशित, समाजकल्याणासाठी व विद्यार्थ्याच्या सुप्त गुणांना विकासीत करून त्यांच्या सर्वांगीण उन्नतीसाठी जगदगुरु श्री दत्तात्रेयप्रभु आणि जगतमान्य श्रीकृष्ण अवतार महोत्सवाचे दरवर्षी आयोजन. त्या निमित्याने श्रीगीता प्रवचने, व्याख्यानमाला, ललित कला व विविध स्पर्धा आयोजित करुन समाज प्रबोधनाचे कार्य. “सारथी पुरस्कार’ १६ जाने २००९. सारथी समाजसेवी संघटना, नागपूर तर्फे, कला आणि संस्कृती क्षेत्रात विशेष निपुणताच उल्लेखनीय कार्य केल्या बद्दल सन्मानपत्र व स्मृती चिन्ह देऊन गौरव, ७ फेब्रुवरी २००९ – महात्मा फुले प्रतिमा संशाधन सन्मान आणि सर्वज्ञ श्री चक्रधर साहित्य राष्ट्रीय सन्मान, नागपूर या संस्थे तर्फे सन्मानपत्र व स्मृतीचिन्ह देऊन जाहीर सत्कार, अ. भा. म. साहित्य महामंडळ द्वारा आयोजित दहावे अखिल भारतीय महानुभाव साहित्य सम्मेलन २०१२ अचलपूर सम्मेलानाध्यक्ष पद भूषवले होते.
धनंजय वर्मा ते महानुभाव पंथाचे अभ्यासक महंत बाबा यक्षदेव बाबा यांचा हा प्रवास अनेकांना प्रेरणादायी व मार्गदर्शक ठरत होता. वाटोळा शुक्लेश्वर येथील एका कार्यक्रमादरम्यान त्यांनी चक्रधर स्वामी समोर दंडवत घातला, दुसरा दंडवत घालत असताना ते अनेक वेळ दंडवत अवस्थेत देवासमोर होते. काही काळानंतर बाबा का उठले नाही म्हणून भक्तांनी बघितले तेव्हा त्यांना ब्रेन हॅमरेज होऊन अर्धांग वायू गेल्याचा अंदाज काही भक्तांनी लावला यावेळी त्यांना तात्काळ रुग्णालयात भरती करण्यात आले. यक्षदेव बाबा यांनी आज नागपूर येथील एका खाजगी रुग्णालयात अंतिम श्वास घेतला.